قازاقستاندا ونەركاسىپتىك ماقساتتا وسىرۋگە رۇقسات ەتىلگەن قاراسورا سورتتارىنىڭ ءتىزىمى بەكىتىلدى، - دەپ حابارلايدى Aqshamnews.kz ءتىلشىسى.
قازاقستان ونەركاسىپتىك ماقساتتا قاراسورا وسىرۋگە رەسمي تۇردە رۇقسات بەردى. ۇكىمەت قۇرامىندا تەتراگيدروكاننابينول (THC) مولشەرى از، ياعني ەسىرتكىلىك اسەرى جوق قاراسورا سورتتارىنىڭ ءتىزىمىن بەكىتتى. بۇل زاڭعا 30 ماۋسىمدا مەملەكەت باسشىسى قول قويعان ەدى.
اۋىل شارۋاشىلىعى مينيسترلىگىنىڭ مالىمەتىنشە، ونەركاسىپتىك قاراسورا تەك زاڭدا كورسەتىلگەن 218 سورت بويىنشا وسىرىلەدى. ۇكىمەت قاۋلىسى 22 قىركۇيەكتە جاريالاندى جانە جاريالانعان كۇننەن كەيىن 10 كۇن ىشىندە كۇشىنە ەنەدى.
"ەسىرتكى جانە پسيحوتروپتىق زاتتاردى وندىرۋمەن بايلانىستى ەمەس ونەركاسىپتىك ماقساتتا وسىرۋگە رۇقسات ەتىلگەن قاراسورا (كاننابيس) سورتتارى بەكىتىلسىن"، - دەلىنگەن قاۋلى ماتىنىندە.
20 ەلدىڭ سورتتارى ەنگىزىلدى
رۇقسات ەتىلگەن قاراسورا سورتتارى الەمنىڭ 20 ەلىنەن اكەلىنگەن:
-
ەۋروپا: گەرمانيا، يتاليا، فرانسيا، پولشا، ۆەنگريا، لاتۆيا، سلوۆاكيا، چەحيا، ەستونيا، ۋكراينا، رۋمىنيا، فينليانديا
-
ازيا: جۇڭگو، جاپونيا
-
سولتۇستىك امەريكا: اقش، كانادا
-
لاتىن امەريكاسى: مەكسيكا
-
وكەانيا: اۋستراليا، جاڭا زەلانديا
-
رەسەي
رەسمي تىزىمدە ونەركاسىپتىك قولدانۋعا ارنالعان سورتتاردىڭ اراسىندا ەرەكشە اتاۋلار كەزدەسەدى: «ماما ماريا»، «دجۋدي»، «دجوي»، «مارينا»، «ۆيكتوريا»، «انجەلو»، «ەندجي»، «ارمانكا»، سونداي-اق «ومەگادار-1»، «سيريۋس»، «ۆەگا»، «زوريانا»، «حولودنىي حان»، «ساموسۆەت باندي»، «تيگرا» سياقتى سورتتار بار.
ەسكە سالايىق، بۇعان دەيىن ىشكى ىستەر مينيسترلىگى سولتۇستىك قازاقستان وبلىسىندا قاراسورا وسىرۋگە ءتورت ليسەنزيا بەرىلگەنىن حابارلاعان بولاتىن.