2025 جىلدىڭ باسىنان بەرى الماتىدا جالپى سوماسى 97،7 ملرد تەڭگە بولاتىن شاعىن جانە ورتا بيزنەستىڭ 647 جوباسىنا مەملەكەتتىك قولداۋ كورسەتىلدى. بۇل تۋرالى الماتىنىڭ كاسىپكەرلىك جانە ينۆەستيسيالار باسقارماسى حابارلادى.
سۋبسيديالاۋعا، كەپىلدىك بەرۋگە جانە نەسيەلەۋگە 50،6 ملرد تەڭگە جۇمسالدى. ونىڭ 18 ميللياردى رەسپۋبليكالىق بيۋدجەتتەن، ال 32،6 ميللياردى جەرگىلىكتى بيۋدجەتتەن ءبولىندى.
ءبىرىڭعاي كەشەندى باعدارلاما بويىنشا 51،3 ملرد تەڭگەگە 309 جوبا قارجىلاندىرىلدى، ونىڭ ىشىندە 242 جوباعا 47،8 ملرد تەڭگە كولەمىندە سۋبسيديا بەرىلدى، تاعى 67 جوباعا 3،5 ملرد تەڭگە نەسيە بەرىلدى.
«الماتى بيزنەس – 2025» وڭىرلىك باعدارلاماسى بويىنشا 5،4 ملرد تەڭگەگە 50 جوبا قارجىلاندىرىلدى، ال «Jana business» باعدارلاماسى اياسىندا 153 جوباعا 13،7 ملرد تەڭگە كولەمىندە قولداۋ كورسەتىلدى.
بۇعان قوسا، قالادا كەپىلدىك قورلارى ارقىلى قارىزدارعا كەپىلدىك بەرۋ تەتىگى جۇزەگە اسىرىلىپ جاتىر: 15،2 ملرد تەڭگەگە 122 جوبا ماقۇلداندى، ونىڭ 7،9 ملرد-ى كەپىلدىك ەسەبىنەن.
سونىمەن قاتار، «دامۋ» قورى ونەركاسىپ، كولىك، تۋريزم، ءبىلىم بەرۋ، دەنساۋلىق ساقتاۋ سىندى باسىم سالالاردا شوب ءۇشىن «ورلەۋ» جەڭىلدەتىلگەن نەسيە بەرۋ باعدارلاماسىن ىسكە قوستى. وسى باعدارلاما بويىنشا 12،1 ملرد تەڭگەگە 13 جوبا قارجىلاندىرىلدى.