178 الماتىلىق وتباسىنا «جاس قاناتتان» پاتەر كىلتى تابىستالدى.
بۇگىن قالا اكىمى ەربولات دوسايەۆتىڭ تاپسىرماسىمەن الماتىنىڭ تۇركسىب اۋدانىنداعى «جاس قانات» ىقشاماۋدانىنان 178 وتباسىنا پاتەر كىلتى تابىستالدى، دەپ حابارلايدى Almaty-akshamy.kz ءتىلشىسى.
بۇل ىقشاماۋداننان جىل سوڭىنا دەيىن جالپى سانى 401 پاتەر بەرىلەدى. قازىرگى ۋاقىتتا الماتى قالاسى بويىنشا 41 مىڭ ءۇي كەزەگىندە تۇر.
«جاس قاناتتاعى» پاتەرلەر كوپ بالالى جانە الەۋمەتتىك جاعىنان از قامتىلعان وتباسىلارعا جالعا الۋ قۇقىعىمەن بەرىلىپ جاتىر. كىلت العانداردىڭ كوبى پاتەردىڭ جەكە مەنشىگىنە بەرىلگەنىن قالايدى.
بۇل ىقشاماۋداندا اباتتاندىرۋ جۇمىستارى ءالى اياقتالعان جوق. اكىمدىك تاراپىنان تۇرعىنداردىڭ جايلى ءومىر ءسۇرۋى ءۇشىن جاعداي جاسالىپ جاتىر.
بۇگىن عانا مۇندا № 211 جاڭا مەكتەپ اشىلدى، مەكتەپتىڭ قاسىنان بالاباقشا سالىنىپ جاتىر.
«بۇگىن وزدەرىڭىز كۋا بولعانداي، قالا باسشىسىنىڭ تاپسىرماسىمەن اكىمدىك كەزەگىندە تۇرعان ازاماتتارعا پاتەر كىلتى كەزەك تارتىبىمەن تابىستالىپ جاتىر. 25 تامىز كۇنى 109 وتباسى باسپانالى بولعان. بۇل جەردەگى پاتەرلەردى كوپ بالالىلار، جەتىم بالالار، الەۋمەتتىك جاعىنان از قامتىلعان وتباسىلار كەزەكتە تۇرىپ، مەملەكەتتىك باعدارلامامەن الىپ جاتىر. تۇرعىندار ءۇشىن جاعداي جاسالۋدا، بۇگىن مەكتەپ اشىلسا، جىل سوڭىنا دەيىن بالاباقشا قۇرىلىسىن اياقتاۋ جوسپاردا تۇر. بۇل ساتىپ الۋ قۇقىعىنسىز جالعا بەرىلەتىن پاتەرلەر. ءومىر بويىنا جالعا الۋعا بولادى، ءار 3 جىل سايىن كەلىسىم شارت مەرزىمى ۇزارتىلادى. ءبىراق ءقازىر دەپۋتاتتار وسى ازاماتتارعا ساتىپ الۋ قۇقىعىن بەرۋ تۋرالى زاڭ جوباسىن قاراپ جاتىر. 2019 جىلدان بەرى جالعا بەرىلگەن پاتەرلەردە ساتىپ الۋ قۇقى جوق. ەگەر وسى زاڭ قابىلدانسا، بۇل ازاماتتار دا پاتەرلەرىن مەشىگىنە وتكىزە الادى. مۇندا اي سايىن 1 بولمەلى پاتەر العاندار 20 مىڭ تەڭگە، 2 بولمەلى پاتەرگە 20-25 مىڭ تەڭگە، 3 بولمەلى پاتەرگە 35 مىڭ تەڭگە كولەمىندە ۇكىمەتكە جالعا الۋ اقىسىن تولەيدى. اسفالت توسەلىپ بىتسە، تاعى دا دايىن تۇرعان 4 ءۇي بار، ولاردىڭ دا كىلتىن تابىس ەتەمىز»، دەدى الماتى قالاسى كوممۋنالدىق ينفراقۇرىلىمدى دامىتۋ باسقارماسى باسشىسىنىڭ ورىنباسارى عالىمجان ابدىشۇكىر ۇلى.
«مەن 2012 جىلدان بەرى ءتۇرعىن-ۇي دەپارتامەنتىندە كەزەكتە تۇردىم. اللاعا شۇكىر، بۇگىن كۇتكەن پاتەرىمنىڭ كىلتى دە قولىما ءتيدى، ريزامىن. ەندىگى تىلەگىم – وسى پاتەرىمىزگە ساتىپ الۋ قۇقىعىن بەرسە، ساپالى ءۇي بولسا. ايتپەسە، مەن سياقتى مۇگەدەك ادامدارعا ءار 5 جىل سايىن پاتەر اۋىستىرىپ ءجۇرۋ وڭاي ەمەس»، دەيدى باسپانا كىلتىن الىپ قۋانعان تۇرعىن ۇرىمكۇل تاشەنوۆا.
