قازاقستان – شاحماتتى ءبىلىم بەرۋ باعدارلاماسىنا ەنگىزگەن ەلدىڭ ءبىر مىسالى.
اياقتالىپ كەلە جاتقان 2022 جىلدىڭ سوڭعى اپتاسىندا الماتىدا شاحماتتىڭ راپيد جانە بليس تۇرلەرىنەن الەم چەمپيوناتىنا الەمنىڭ ۇزدىك ويىنشىلارى جينالدى، دەپ حابارلايدى Almaty-akshamy.kz.
وسىعان وراي وڭىرلىك كوممۋنيكاسيالار قىزمەتىنىڭ الاڭىندا باسپا ءسوز ءماسليحاتى ۇيىمداستىرىلىپ، ونىڭ بارىسىندا حالىقارالىق شاحمات فەدەراسياسىنىڭ (فيدە) پرەزيدەنتى اركاديي دۆوركوۆيچ ءسوز سويلەدى.
سپيكەر قازاقستاندا ءىرى جارىستار ءبىرىنشى رەت وتكىزىلىپ وتىرماعانىن ايتتى، ويتكەنى ءدال وسى جەردە الەمنىڭ ۇزدىك ويىنشىلارى وزدەرىنىڭ ەڭ جاقسى قاسيەتتەرىن كورسەتۋى ءۇشىن قوناقجايلىلىق پەن قولايلى جاعدايلار جاسالعانىن اتاپ ءوتتى.
«قازاقستاندا ايەلدەر اراسىنداعى فيدە گران-پريىنىڭ كەزەڭى ءوتتى، سونىمەن قاتار اقتوبەدە مەنىڭ اكەمدى ەسكە الۋعا ارنالعان «ۆلاديمير دۆوركوۆيچ مەموريالى» حالىقارالىق شاحمات فەستيۆالى ءوتتى. جانە، ارينە، ءبىز الداعى تۋرنيرلەردى، سونىڭ ىشىندە بالالار تۋرنيرلەرىن تالقىلاپ جاتىرمىز. ەل پرەزيدەنتىنە، ۇكىمەتكە جانە «فريدوم فينانس» سەرىكتەستەرىنە كورسەتىلىپ جاتقان قولداۋى ءۇشىن العىس ايتقىم كەلەدى»، - دەدى ا.دۆوركوۆيچ.
«ءۇندى دوستارىمىزدىڭ ارقاسىندا ءبىز وليمپيادانى ۇيىمداستىرۋعا قول جەتكىزدىك، قىركۇيەكتەن قاراشاعا دەيىن بار بولعانى ءۇش ايدىڭ ىشىندە وتكەن جىلداردان كەيىنگە قالدىرىلعان وننان استام الەم چەمپيوناتتارىن وتكىزدىك. 2022 جىلى شاحماتتىڭ كلاسسيكالىق تاقتادا دا، ونلاين رەجيمدە دە تانىمالدىلىعىن ارتتىرۋعا قول جەتكىزدىك. جۇلدە قورىنىڭ ءوسىپ كەلە جاتقانىن كورىپ وتىرمىز، ءبىز ايەلدەر شاحماتى جىلىن وتكىزدىك جانە كوپ تۋرنيرلەر، وقۋ-جاتتىعۋ پروسەستەرى كوپ بولدى، ۇيىمداستىرۋشى، مەنەدجەر جانە تورەشى رەتىندە ايەلدەردىڭ كوپ بولۋىنا قول جەتكىزە الدىق. بۇل ايەلدەر شاحماتىنىڭ الداعى ون جىلىنا جاقسى باستاما دەپ سەنەمىز»، - دەدى سپيكەر.
سونىمەن قاتار، حالىقارالىق شاحمات فەدەراسياسىنىڭ پرەزيدەنتى اركاديي دۆوركوۆيچ باستى جەتىستىك – كوپتەگەن ەلدەردە جۇزەگە اسىرىلىپ جاتقان «مەكتەپتەگى شاحمات» جوباسى دەپ ەسەپتەيدى. قازاقستان – شاحماتتى ءبىلىم بەرۋ باعدارلاماسىنا ەنگىزگەن ەلدىڭ ءبىر مىسالى.