بۇگىنگى تاڭدا ناشاقورلىق الەمنىڭ كوپتەگەن ەلدەرىندە وزەكتى ماسەلەلەردىڭ ءبىرى بولىپ وتىر. وسى ماسەلەمەن كۇرەسۋ ماقساتىندا ءتۇرلى الەۋمەتتىك جوبالار مەن باستامالار قولعا الىنىپ جاتىر. سولاردىڭ ءبىرى – الماتى قالاسىندا وتكەن "ناركوستوپ" جوباسى. جوبا جاستاردى ەسىرتكىدەن اۋلاق ۇستاۋعا، دەنساۋلىقتى ساقتاۋ مەن سالاۋاتتى ءومىر سالتىن ناسيحاتتاۋعا باعىتتالعان، دەپ حابارلايدى aqshamnews.kz
اسەل تاشىبايەۆانىڭ اتالعان جوباداعى جەتىستىگى – تەك جەكە جەڭىس ەمەس، سونىمەن قاتار قوعامداعى ناشاقورلىقپەن كۇرەسكە قوسقان ەلەۋلى ۇلەس بولىپ تابىلادى. ول جوبانىڭ باستى ماقساتتارىن جۇزەگە اسىرىپ، جاستار اراسىندا ەسىرتكىگە قارسى ارەكەتتەردى كەڭىنەن تاراتۋعا ۇلەس قوسىپ كەلەدى.
- بۇل جەڭىس — بارلىعىمىزدىڭ ورتاق جەتىستىگىمىز عانا ەمەس، سونداي-اق باس رەداكتورىمىز تالعات سەمبەك ۇلىنىڭ كورەگەن باسشىلىعىنىڭ ناتيجەسى. ونىڭ باتىل ويلارى مەن ستاندارتتان تىس تاسىلدەرى كوپتەگەن وقىرمانداردىڭ جۇرەگىنە جول تاپقان ماقالالاردىڭ نەگىزىن قالادى. بۇرىنعى ەسىرتكى تۇتىنۋشىلاردىڭ ومىرلىك وقيعالارىن جاريالاۋ تۋرالى شەشىم تەك ماڭىزدى قادام عانا ەمەس، ناعىز سىناق بولدى. بۇل قادام ارقىلى گازەتىمىز قوعامدا سيرەك ايتىلاتىن، جابىق تاقىرىپتاردى قوزعاپ، قيىندىقتاردى جەڭە بىلگەن جانداردىڭ داۋىسىن جەتكىزۋگە مۇمكىندىك بەردى. ايتا كەتەرلىگى، وسى باستامادان كەيىن باسقا دا باسىلىمدار، مىسالى، "ۆرەميا" گازەتى مەن Tengrinews پورتالدارى ەكس-ناشاقورلاردىڭ سىرلارىن جاريالاي باستادى، - دەيدى اسەل.
ارىپتەسىمىز "ۆەچەرنيي الماتى" سىندى اڭىزعا اينالعان گازەتتە جانە Alatau Aqparat مەدياحولدينگىندە كاسىبي ماماندارمەن بىرگە جۇمىس ىستەيتىنىن ماقتان تۇتاتىنىن جەتكىزدى.
"ناركوستوپ" جوباسى جاستارعا ەسىرتكىنىڭ زيانىن ءتۇسىندىرىپ، ولاردى ەسىرتكىگە قارسى تۇرۋعا شاقىرادى. بۇل جوبا، اسىرەسە، مەكتەپ وقۋشىلارى مەن ستۋدەنتتەر اراسىندا تانىمال. الماتى قالاسى جاستار ساياساتى باسقارماسىنىڭ جاستاردى الەۋمەتتەندىرۋ جانە جاستار باستامالارىن قولداۋ ءبولىمىنىڭ باسشىسى نۋرسۋلتان بەككايروۆ 2024 جىلى «ناركوستوپ» جوباسى جاستاردىڭ بەلسەندى قاتىسۋى مەن سەرىكتەستەردىڭ قولداۋىنىڭ ارقاسىندا ايتارلىقتاي ناتيجەلەرگە قول جەتكىزگەنىن اتاپ ءوتتى. نەگىزگى جەتىستىكتەردىڭ قاتارىندا تومەندەگىدەي ءىس-شارالار اتقارىلدى:
• 150-دەن استام ءىس-شارا وتكىزىلدى؛
• ەسىرتكىنى جارنامالايتىن 110 000-نان استام گراففيتي بويالدى.
««ناركوستوپ» جوباسىمەن بىرلەسىپ جۇمىس ىستەۋ زاڭسىز كونتەنتتى ءتيىمدى انىقتاۋعا جانە بۇعاتتاۋعا مۇمكىندىك بەرەدى. جاستار بىزگە بەلسەندى تۇردە كومەكتەسەدى جانە بۇل ناقتى ناتيجە بەرەدى. جوبا ايتارلىقتاي ناتيجەلەرگە قول جەتكىزدى:جاستار مەن اتا-انالاردىڭ ناشاقورلىق ماسەلەسى تۋرالى حاباردارلىعىن ارتتىرۋ، تاۋەكەل توبىنداعى جاسوسپىرىمدەردى قولداۋ جانە ولاردىڭ ءومىرىن وزگەرتۋگە كومەكتەسۋ، ەسىرتكىنى ناسيحاتتايتىن 60 000-نان استام گراففيتيدى جويۋ جانە 350 ينتەرنەت-رەسۋرستاردى بۇعاتتاۋ، وتباسىلىق فاكتورلار مەن الەۋمەتتەنۋگە كوبىرەك كوڭىل ءبولۋ - بۇل اتا-انالار مەن پەداگوگتەرگە بالالارىن جاقسى تۇسىنۋگە جانە قولداۋ ورتاسىن قۇرۋ ءۇشىن شارالار قابىلداۋعا كومەگى ءتيدى»، - دەدى «ناركوستوپ» جوباسىنىڭ كۋراتورى نۇرجان جاكۋپوۆ.