ق ر مسم "ورتالىق مەملەكەتتىك ارحيۆ" ءرمم-ى كەڭەس وداعىنىڭ باتىرى، جازۋشى ب. مومىش ۇلىنىڭ جەكە قورى تاعى دا تىڭ قۇجاتتارمەن تولىققانىن مالىمدەدى، دەپ حابارلايدى Almaty-akshamy.kz.
كەڭەس وداعىنىڭ باتىرى، ۇلى وتان سوعىسىنىڭ ارداگەرى، داڭقتى پانفيلوۆشى، جازۋشى ب. مومىش ۇلىنىڭ قوسىمشا قۇجاتتارىن ق ر وما زەينەپ باۋىرجان كەلىنى احمەتوۆا تاپسىردى.
1951 جىلى تۇڭعىش رەت ب. مومىش ۇلىنىڭ ءوزى قۇجاتتارىن ق ر وما-نە ءوز قولىمەن سىي رەتىندە مەملەكەتتىك ساقتاۋعا تاپسىرعان. باتىر اتامىزدىڭ ارحيۆكە ۇزدىكسىز وتكىزگەن قۇجاتتارىنىڭ حرونولوگيالىق شەڭبەرى 1927-1975 جىلداردى قامتىدى.
«باۋىرجان مومىش ۇلى قۇجاتتارىنىڭ كوپ بولىگىن امانات ەتىپ ز. احمەتوۆاعا قالدىرعان ەكەن. 2021 جىلى ق ر ءوما-نىڭ 100 جىلدىق مەرەيتويى كەزىندە «باۋىرجان مومىش ۇلى – كەڭەس وداعىنىڭ باتىرى، ۇلى وتان سوعىسىنىڭ ارداگەرى، داڭقتى پانفيلوۆشى، جازۋشى» اتتى فوتوالبومنىڭ تۇساۋكەسەرىنە قوناق رەتىندە كەلگەن ز. احمەتوۆا باتىر اتامىزدىڭ قوسىمشا قۇجاتتارىن ارحيۆكە تاپسىراتىندىعى جونىندە اماناتىن ايتقان ەدى. ەندى بيىل سونىڭ ءساتى ءتۇسىپ ب. مومىش ۇلىنىڭ قارا شاڭىراعىندا 9-شى تامىزدان باستاپ ارحيۆيستەر گ.ش. راحمەت جانە ك. داۋت بارىپ قۇجاتتاردىڭ وتكىزۋ تىزىمدەمەسىن جاساۋ ارقىلى قابىلداۋ جۇمىستارىن جۇرگىزۋدە»،-دەلىنگەن حابارلامادا.