20 ناۋرىزدا ناۋرىز مەيرامىن تويلاۋ اياسىندا ەلورداداعى «ارعىماق» ات-سپورتى كەشەنىندە ۇلتتىق سپورت كۇنىنە ارنالعان «ناۋرىزناما: ۇلتتىق سپورت كۇنى» مەرەكەلىك ءىس-شاراسى وتەدى، دەپ حابارلايدى اlmaty-akshamy.kz.
مەرەكەلىك ءىس-شارا اياسىندا كوكپار، اۋدارىسپاق، تەڭگە ءىلۋ، قىز قۋۋدان كورسەتىلىمدەر جانە توعىزقۇمالاق پەن اسىق اتۋدان شەبەرلىك ساباقتارى جوسپارلانعان.
قوناقتارعا قازاقى تازى جانە بۇركىت كورسەتىلەدى. سونداي-اق، قولونەرشىلەر جارمەڭكەسى، ۇلتتىق سپورت ارداگەرلەرىن ماراپاتتاۋ ءراسىمى جانە مەرەكەلىك كونسەرتتىك باعدارلاما وتەدى.
ءىس-شارانى ق ر تۋريزم جانە سپورت مينيسترلىگىنىڭ قولداۋىمەن ق ر ۇلتتىق سپورت قاۋىمداستىعى استانا قالاسىنىڭ اكىمدىگىمەن بىرگە ۇيىمداستىردى.
ءىس-شارا استانا قالاسى «ارعىماق» ات-سپورت كەشەنى، روجدەستۆەنسكايا تاس جولى، 3 مەكەن جايىندا وتەدى.
ۋاقىتى: 20 ناۋرىز (سارسەنبى)، ساعات 10.00-دە.
درەسس-كود: ۇلتتىق كيىم