ارگەنتينادان دينوزاۆردىڭ جاڭا ءتۇرى تابىلدى

ارگەنتينا عالىمدارى دينوزاۆرلاردىڭ جاڭا ءتۇرىن انىقتادى، دەپ حابارلايدى Almaty-akshamy.kz Inform.kz-كە سىلتەمە جاساپ.

ول دجوردج ءمارتيننىڭ «مۇز بەن وت اندەرىندەگى» ايداھاردىڭ قۇرمەتىنە مەراكسەس گيگاس دەپ اتالدى. كەسىرتكەنىڭ باسى ۇلكەن، الدىڭعى اياقتارى قىسقا بولعان. بۇل – 90 ميلليوننان استام جىل بۇرىن پاتاگونيادا ءومىر سۇرگەن جىرتقىش كارحارودونتوزاۆر.

الدىڭعى اياقتارىنىڭ قىسقالىعى ونى تيراننوزاۆر رەكس تۇرىنە ۇقساتاتىن. ساراپشىلار دينوزاۆرلاردىڭ بۇل قاسيەتى ولاردىڭ توپتاسىپ تاماقتانۋ كەزىندە باسقا دينوزاۆرلاردىڭ تىستەۋىنەن قورعاعان دەپ پايىمداپ وتىر.

«ولار بۇرىن-سوڭدى تىرشىلىك ەتكەن ەڭ ۇلكەن جىرتقىش دينوزاۆرلاردىڭ ءبىرى. ءبىراق بۇعان دەيىن باس سۇيەكتەرى ءبۇتىن تۇرىندە تابىلماپتى. كوپتەگەن ولشەمدەر تەك بولجام بولعام.ەندى، مەراكس انىقتالعان كەزدە، ءبىز باس سۇيەك پەن تاباننىڭ ناقتى ولشەمىنە جاقىندادىق. بۇل وسى ءتۇردىڭ ەۆوليۋسياسىن ءتۇسىنۋ ءۇشىن قاجەت»، - دەيدى پالەونتولوگ سەباستيان اپەستەگۋييا.

ارگەنتينادا تابىلعان دينوزاۆردىڭ جاسى 39 بەن 53 اراسىندا بولعان. بۇل – جەر بەتىندە تابىلعان ەڭ كونە ۇلگىلەردىڭ ءبىرى. مەراكسەس تيراننوزاۆر رەكس پايدا بولعانعا دەيىن شامامەن 20 ميلليون جىل بۇرىن جويىلدى.