بۇگىن قۇربان ايت مەرەكەسىنىڭ العاشقى كۇنى. بۇل كۇندەرى قۇرباندىققا مال شالىپ، ازىعى جوق، مۇقتاج جاندارعا تاراتىپ بەرەدى. يسلام تۇسىنىگى بويىنشا جوق-جىتىك جاندارعا كومەكتەسۋ ساۋاپتى ءىس. وسىعان بايلانىستى جينالعان جاماعاتتىڭ ايت نامازىنان كەيىن ءبىرقاتارى مال بازارىنا قاراي اعىلدى. بۇل تۋرالى Almaty-akshamy.kz Almaty.tv-گە سىلتەمە جاساپ.
الماتىدا بيىل قۇرباندىق شالۋعا 13 ورىن بەلگىلەندى. ونىڭ ىشىندە «تاۋ سامالى» بازارى بار. مۇندا مال الۋشى ادامدار قاتارى وتە كوپ. وندا قوي باعاسى 40 مىڭ تەگەدەن باستالىپ، 170 مىڭ تەڭگەگە دەيىن بارادى. قوي سويۋ باعاسى – 1000-3000 مىڭ تەڭگە ارالىعىندا، باس سيراق ۇيتۋ – 1000 تەڭگە، ىشەك-قارىن تازالاۋ 1000 تەڭگە تۇرادى. دەگەنمەن مالدىڭ ىشەك-قارىن الماي كەتىپ جاتقاندار وتە كوپ.
سونداي-اق، مۇندا 7-8 ايلىق توقتىلار دا بار. ولاردىڭ باعاسى 40 مىڭ تەڭگەدەن باستالادى. دەگەنمەن، ايت نامازى كەزىندە ورتالىق مەشىتتىڭ باس يمامى قاڭتار-اقپان ايىندا تۋعان قوزىلار قۇرباندىق شالۋعا جارامايتىنىن ايتقان بولاتىن.
قۇرباندىق ءۇشىن مالدىڭ ءۇش ءتۇرىن: تۇيە، سيىر، قوي نە بولماسا ەشكىنى سويۋعا بولادى. قۇستى سويۋعا بولمايدى، ال جىلقى مالى يمام اعزام جولى بويىنشا سوعىس كولىگى سانالاتىندىقتان، قۇرباندىققا جاتپايدى. قۇرباندىققا قوي مەن ەشكىنىڭ ءبىر جاسقا تولعانى، تۇيەنىڭ بەس، سيىر مەن وگىزدىڭ ەكى جاسقا تولعانى سويىلادى. بۇلاردىڭ دەنە مۇشەلەرى تۇگەل ءارى ساۋ بولۋى شارت.