پرەزيدەنتىمىز كوپتەگەن ماڭىزدى ماسەلەلەرگە توقتالدى. اسىرەسە، ساياسي رەفورمالاردىڭ ءجۇرىپ جاتقاندىعىنا جانە ەڭ باستىسى ادىلەتتى قازاقستاندى بىرتىندەپ ورناتىپ جاتقاندىعىمىزعا باسا نازار اۋداردى.
پرەزيدەنت حالىقتىڭ ۇكىمەتتىڭ ءسوزىن تىڭدايتىنىنا ەرەكشە ءمان بەردى. شىنىندا دا، حالىقتىڭ پىكىرىنە قۇلاق اسۋ، ولاردىڭ ماسەلەلەرىنە نازار اۋدارۋ – جولداۋدا ايتىلعان باستى مىندەتتەردىڭ ءبىرى. حالىقتىڭ الەۋمەتتىك جاعدايىن جاقسارتۋ ءۇشىن نە ىستەۋ كەرەكتىگىنە توقتالىپ ءوتتى. ول ءۇشىن شاعىن بيزنەستى ورتا بيزنەسكە تارتۋ قاجەت ەكەنىن جانە ورتا تاپ وكىلدەرىنىڭ سانىن كوبەيتۋ كەرەكتىگىن ايتتى.
سونداي-اق، ەلىمىزدىڭ قۋاتتى بولۋى وسىنىڭ بارىنە بايلانىستى ەكەنىن اتاپ ءوتتى. ساياسي رەفورمالارعا قاتىستى مىسالدار كەلتىرىپ، قازىرگى كەزدە اۋىل اكىمدەرىنىڭ 90 پايىزى تىكەلەي حالىقتىڭ سايلاۋىمەن سايلانعانىن ايتتى. كەلەسى كەزەڭدە اۋدان جانە وبلىس اكىمدەرى دە حالىقتىڭ تىكەلەي داۋىس بەرۋىمەن سايلاناتىن بولادى.
بۇل دا ۇلكەن جاڭالىق. پرەزيدەنت جولداۋداعى توعىز نەگىزگى ماسەلەگە جەكە-جەكە توقتالىپ ءوتتى. ءاربىر قازاقستان ازاماتى وسى جولداۋدان ءوز قورىتىندىسىن شىعارىپ، مەملەكەتتىڭ دامۋىنا ءوز ۇلەسىن قوسۋ قاجەت دەپ ويلايمىن.