پرەزيدەنت قاسىم-جومارت توقايەۆ قازاقستان حالقى اسسامبلەياسىنىڭ ءحححىى سەسسياسىنىڭ وتىرىسىندا ەلدىڭ ىشكى تۇتاستىعى باس پروكۋراتۋرا، ىشكى ىستەر مينيسترلىگى، ۇلتتىق قاۋىپسىزدىك كوميتەتى سياقتى قۇزىرلى ورگانداردىڭ نازارىندا بولاتىنىن ەسكە سالدى، دەپ حابارلايدى almaty-akshamy.kz
«ءاربىر ازامات ءوز بولاشاعىن قازاقستانمەن تىعىز بايلانىستىرۋى كەرەك. سوندا عانا حالقىمىز ءبىرتۇتاس ەل بولىپ تۇرا الادى. ەشكىمدى ۇلتىنا، تىلىنە، دىنىنە قاراپ كەمسىتۋگە بولمايدى. قوعامدا مۇنداي ۇستانىمعا ساي بولەكتەنۋگە جول بەرىلمەيدى. ءارقايسىمىز – قازاقستان اتتى قاسيەتتى قارا شاڭىراقتىڭ پەرزەنتىمىز. ءبارىمىز – بۇگىنگى ءومىرى جانە بولاشاعى ءبىر باۋىرلاس ازاماتتارمىز»، - دەدى قاسىم-جومارت توقايەۆ.
سونداي-اق، پرەزيدەنت ەتنوسارالىق جانە ءتىل ماسەلەسىندەگى ارانداتۋ ارەكەتتەرىنە زاڭمەن قاتاڭ تىيىم قويىلعانىن ەسكە سالدى.
«ەتنوسارالىق، تىلدىك جانە الەۋمەتتىك سيپاتتاعى كەز كەلگەن ارانداتۋ ارەكەتىنىڭ جولى زاڭ اياسىندا قاتاڭ كەسىلەدى. باس پروكۋراتۋرا، ىشكى ىستەر مينيسترلىگى، ۇلتتىق قاۋىپسىزدىك كوميتەتى بۇل ماسەلەنى ەرەكشە نازاردا ۇستاپ، زاڭ بويىنشا ارەكەت ەتەدى. ءار ازامات ءوز ءسوزى مەن ارەكەتىنە جاۋاپكەرشىلىك سەزىنۋى كەرەك. ەموسياعا بەرىلىپ، وشپەندىلىك پەن جەككورۋشىلىككە بوي الدىرۋعا بولمايدى. بوتەن اقپاراتتىق سوعىستار مەن يدەولوگيالىق داۋلار بىزگە قاجەت ەمەس»، - دەدى پرەزيدەنت.