الماتىدا ايىپپۇل تولەمەگەن ازامات ۇستالدى

 Daewoo Nexia اۆتوكولىگىنىڭ جۇرگىزۋشىسى جالپى سوماسى 1 ملن 478 مىڭ 706 تەڭگەنى قۇرايتىن جقە بۇزعان.

جەرگىلىكتى پوليسيا قىزمەتىنىڭ مالىمەتىنشە، ول اتالعان ايىپپۇلداردى تولەمەگەن، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«بۇل جۇرگىزۋشى اباي داڭعىلى مەن ماناس كوشەلەرىنىڭ قيىلىسىندا اكىمشىلىك ايىپپۇلدارى تولەنبەگەن كولىك قۇرالدارىن باسقاراتىن جۇرگىزۋشىلەردى انىقتاۋعا باعىتتالعان پروفيلاكتيكالىق ءىس-شارا اياسىندا ۇستالدى. اقپاراتتىق بازادان بەلگىلى بولعانداي، جۇرگىزۋشى جىلدامدىقتى بۇزىپ، قوعامدىق كولىك جولاعىنا شىعىپ، جول بەلگىلەرى مەن تاڭبالاۋ تالاپتارىن بۇزعان. قاجەتتى قۇجاتتار تولتىرىلعان سوڭ كولىك مامانداندىرىلعان ايىپپۇل تۇراعىنا قويىلدى»، — دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.

سونىمەن قاتار قالا پوليسەيلەرى ازاماتتارعا اكىمشىلىك ايىپپۇلداردى دەر كەزىندە تولەۋدى ۇسىنىپ وتىر. ال، جول قوزعالىسى قاۋىپسىزدىگىن قامتاماسىز ەتۋ سالاسىنداعى زاڭنامادا ماسەلەلەر تۋىنداماۋدىڭ ەڭ جاقسى جولى – جول قوزعالىسى ەرەجەلەرىن قاتاڭ ساقتاۋ.