مەملەكەت باسشىسىنىڭ ارال تەڭىزىنىڭ قۇرعاعان تابانىندا 2025 جىلعا دەيىن جالپى اۋماعى 1،1 ملن. گا جەرگە ورمان مەليوراسيالىق ەكپەلەر ەگۋ مىندەتىن قويدى.
سەكسەۋىل شىعىمىن بارىنشا ارتتىرۋ ءۇشىن ورمان مەليوراسيالىق جۇمىستار عىلىمي ۇسىنىمدار مەن جۇمىس جوبالارى (نەگىزگى ادىستەرى مەحانيكالاندىرىلعان سەبۋ جانە وتىرعىزۋ) نەگىزىندە جۇرگىزىلەدى. ويتكەنى، ارال تەڭىزى ءتۇبىنىڭ قازاقستاندىق بولىگى وزبەك تاراپىنىڭ اۋماعىنا قاراعاندا تۇزدى.
عىلىم 3 ءتيپتى توپىراقتا سەكسەۋىل، 4 ءتيپتى توپىراقتا گالوفيتتى وسىمدىكتەر (قاراباق، ساراسازان) ەگۋدى (وتىرعىزۋدى) ۇسىنادى، دەپ حايۋارلايدى Almaty-akshamy.kz ەكولوگيا مينيسترلىگىنە سىلتەمە جاساپ.
ارال تەڭىزىنىڭ تۇبىندە سەكسەۋىل وتىرعىزۋ ءۇشىن 753 مىڭ گەكتار جەردىڭ توپىراعى زەرتتەلدى.
ارالدىڭ قۇرعاعان تۇبىندە ەكپە جۇمىستارىن جۇرگىزۋ ءۇشىن تۇقىمداردى ەگۋگە جانە وسىرۋگە دايىنداۋ ينفراقۇرىلىمى جاسالىپ، قاجەتتى ارنايى تەحنيكا ساتىپ الىندى.
وسىلايشا، ق ر ەكولوگيا جانە تابيعي رەسۋرستار مينيسترلىگى مەن قىزىلوردا وبلىسى اكىمدىگىنىڭ كۇشىمەن سوڭعى ءۇش جىلدا 544،5 مىڭ گا ورمان ەگىلدى. بيىل تاعى 275 مىڭ گەكتار جەرگە ەكپە جۇمىستارىن جۇرگىزۋ جوسپارلانۋدا.
ارال تەڭىزىنىڭ تارتىلۋى جاھاندىق پروبلەما ەكەنىن ەسكەرە وتىرىپ، مينيسترلىك حالىقارالىق ۇيىمدارمەن، ونىڭ ىشىندە حالىقارالىق ارالدى قۇتقارۋ قورىمەن (حاقق)، دۇنيەجۇزىلىك بانكپەن، حالىقارالىق ىنتىماقتاستىق جونىندەگى گەرمان قوعامىمەن (GIZ)، اقش-تىڭ حالىقارالىق دامۋ اگەنتتىگىمەن (USAID)، كورەيا ورمان قىزمەتىمەن جانە باسقا دا حالىقارالىق ۇيىمدارمەن ىنتىماقتاسا جۇمىس ىستەپ كەلەدى.
2021 جىلدىڭ جازى مەن كۇزىندە وزبەكستان مەن قازاقستان ماماندارى ارال تەڭىزىنىڭ تۇبىنە سەكسەۋىل مەن باسقا دا اعاشتاردى وتىرعىزۋ بويىنشا تاجىريبە الماستى. ساپار قورىتىندىسى بويىنشا ارال تەڭىزى وڭىرىندەگى ورمان شارۋاشىلىعى سالاسىنداعى تىعىز ىنتىماقتاستىق ءۇشىن مەموراندۋمعا قول قويىلدى.
سەكسەۋىلدى تۇزدى جانە قۇمدى توپىراقتارعا وتىرعىزۋ ءۇشىن عىلىم ءتۇرلى تەحنولوگيالاردى قولدانۋدى ۇسىنادى. ول ءۇشىن150 گا اۋماقتا تاجىريبەلىك ۋچاسكە قۇرىلىپ، جابىق تامىر جۇيەسىمەن وتىرعىزۋ جانە ءوسۋ ستيمۋلياتورلارىن (گيدروگەل) پايدالانىپ تۇقىم سەبۋ سياقتى ادىستەر قولدانىلىپ كەلەدى.
وتىرعىزۋ ماتەريالىنىڭ تەز بەيىمدەلۋى جانە شىعىمىنىڭ جوعارى بولۋى ءۇشىن جاقىن ارادا ارال تەڭىزىنىڭ تۇبىندە اۋدانى 33 گا ورمان پيتومنيگىنىڭ قۇرىلىسىن اياقتاۋ جوسپارلانۋدا. بۇل پيتومنيك ەلوردالىق «رەسپۋبليكالىق ورمان سەلەكسيالىق تۇقىم ءوسىرۋ ورتالىعى» رمقك ءۇشىن تاجىريبەلىك الاڭ رەتىندە جۇمىس ىستەپ، وندا ورمان تۇقىمدارىنىڭ گەنەتيكالىق بانكى، ونىڭ ىشىندە ارال تەڭىزىنىڭ تۇبىندەگى قولدان جاسالعان ورمانداردىڭ نەگىزگى ءتۇرى بولاتىن سەكسەۋىل تۇقىمدارى ساقتالادى.