ارال تەڭىزىنىڭ دەڭگەيى شامامەن جارتى مەترگە كوتەرىلدى، دەپ حابارلادى قىزىلوردا وبلىسى اكىمدىگىنىڭ باسپا ءسوز قىزمەتى.
«وسى ۋاقىتقا دەيىن سولتۇستىك ارال تەڭىزىنە جينالعان سۋ كولەمى 27،0 ملرد تەكشە مەتردەن 18،5 ملرد تەكشە مەترگە ازايىپ، سۋ دەڭگەيى 40،42 مبج (مەتر بالتىق جۇيەسىمەن) دەيىن تومەندەدى. 2022 جىلعى قازاننان 2023 جىلعى ناۋرىزعا دەيىن تەڭىزدەگى سۋ دەڭگەيى 40،90 مبج نەمەسە 48 سم-گە دەيىن كوتەرىلىپ، جينالعان سۋ كولەمى 19،7 ملرد تەكشە مەترگە ۇلعايدى، - دەدى ارال-سىرداريا باسسەيندىك ينسپەكسياسى باسشىسىنىڭ مىندەتىن اتقارۋشى زەينۋللا قازتوعانوۆ.
بىلتىر ارالعا 816 ملن تەكشە مەتر سۋ، ال بيىل 2 ايدا 803 ملن تەكشە مەتر سۋ قۇيىلدى.