جوبا ارال تەڭىزىنىڭ ەكوجۇيەسىن قالپىنا كەلتىرۋگە اتسالىسۋدى كوزدەيدى.
1-3 ناۋرىز كۇندەرى قازاقستاندا ەرىكتىلەردىڭ العاشقى ەكولوگيالىق جوباسى باستالادى، دەپ حابارلايدى Almaty-akshamy.kz
نەگىزگى ماقسات – 10 000 سەكسەۋىل كوشەتىن وتىرعىزۋ.
جوبانى ق ر ەكولوگيا مينيسترلىگى، قىزىلوردا وبلىسىنىڭ اكىمدىگى جانە حالىقارالىق ارالدى قورعاۋ قورى مەن AlmaU ۋنيۆەرسيتەتىنىڭ ماماندارى ۇيىمداستىرادى.
نەلىكتەن سەكسەۋىل وتىرعىزىلادى؟
قىزىلوردا وبلىسى اۋماعىنىڭ 7 ميلليون گەكتار جەرىن قامتىعان جاسىل جەلەكتىڭ باسىم بولىگى – سەكسەۋىل. جوبانىڭ باستى ماقساتى شولەيتتى اۋماقتا كۇي تالعاماي وسەتىن اعاش قورىن مولايتۋ جۇمىستارىنا ءوز ۇلەسىمىزدى قوسۋ. بۇل توپىراقتىڭ ەروزياعا ۇشىراۋىن بولدىرماۋعا جانە تۇز بەن قۇمنىڭ كۇللى الەم بويىنشا تارالۋىن توقتاتۋعا كومەكتەسەدى.
جوباعا قاتىسۋشىلاردى نە كۇتەدى؟
جوباعا قاتىسۋشىعا جاتىن ورىن، ءۇش مەزگىل تاماق بەرىلەدى جانە مادەني باعدارلامالار، قورقىت اتا كەشەنىنە زيارات ەتۋ، ماماندارمەن اڭگىمەلەسۋ جانە سەكسەۋىل وتىرعىزۋ شارالارىنا قاتىسادى.
قاتىسۋشى رەتىندە تىركەلۋ 27 اقپان كۇنى اياقتالادى.
تولىق اقپاراتتى ۋنيۆەرسيتەت سايتىنان نەمەسە @almau_edu ينستاگرام پاراقشاسىنان بىلۋگە بولادى.