اراب امىرلىكتەرى قازاقستانعا ينۆەستيسيا سالىپ، سەرىكتەستىك ورناتۋعا دايىن.
ويتكەنى ءبىزدىڭ مەملەكەت ارابتار ءۇشىن ورتالىق ازيا ايماعىنداعى سەنىمدى ستراتەگيالىق سەرىكتەس. قازاقستاننىڭ تابيعي رەسۋرسى مەن ينفراقۇرىلىمدىق الەۋەتى مول، ال اراب امىرلىكتەرى ەنەرگەتيكا، يننوۆاسيا سياقتى سالالاردا بىرەگەي تەحنولوگيا مەن تاجىريبەگە يە، دەپ حابارلايدى Almaty-akshamy.kz. 24.kz-كە سىلتەمە جاساپ.
مۇنداي ءتيىمدى ارىپتەستىك، اسىرەسە اراب ينۆەستورلارى ءۇشىن، تارتىمدى بولىپ وتىر. Metito – الەمگە سۋدى قايتا پايدالانۋ، اعىندى سۋدى تازارتۋ سىندى ينجەنەرلىك تىڭ تەحنولوگيالارىمەن تانىمال الپاۋىت كومپانيا. 65 جىلدىق تاجىريبەسى بار ۇيىم. افريكا كونتينەنتى ەلدەرى، ساۋد ارابياسى، قاتار، اراب امىرلىكتەرى، پاكىستان، ەگيپەت، جالپى سانى 50-دەن استام ەلدە سۋ تازارتۋ ماسەلەسىن شەشىپ، جاڭارتىلاتىن ەنەرگيا كوزىن وندىرۋمەن اينالىسادى.
رامي گاندۋر، "Metito" كومپانياسىنىڭ باس ديرەكتورى: - جاھاندىق ماسەلەلەرگە اسەر ەتۋ، تۇراقتىلىق جانە يننوۆاسيا – ءبىزدىڭ باستى پرينسيپ. قازاقستان دا وسىنداي ۇستانىمدا ەكەنىن كورىپ وتىرمىز. ازيا كونتينەنتىندە جەدەل دامىپ كەلە جاتقان ەل رەتىندە ءارى ينۆەستيسيالىق تارتىمدىلىعىن ەسكەرە وتىرىپ، ءبىز ءقازىر قازاقستانمەن ارىپتەس بولۋعا ۇمتىلامىز.
شەتەلدىك ينۆەستور ۇسىنىپ وتىرعان جوبا سۋ ەنەرگەتيكاسىنا تىكەلەي قاتىستى. گيدرورەسۋرس ارقىلى جاڭارتىلاتىن ەنەرگيا الۋ ماسەلەسى بويىنشا شەتەلدىك كومپانيا ماڭعىستاۋ جانە كوكشەتاۋ وڭىرلەرىمەن بايلانىس ورناتقان.
رامي گاندۋر، "Metito" كومپانياسىنىڭ باس ديرەكتورى: - پرەزيدەنت توقايەۆ مىرزا امىرلىكتەردەگى ينۆەستورلار كەزدەسۋىندە بىزگە ناقتى قانداي قادامدار جاساۋ كەرەكتىگىن ايتتى. ءقازىر قازاقستاننىڭ امىرلىكتەردەگى ەلشىلىگىنىڭ قولداۋىمەن ناقتى سالالىق مينيسترلەرمەن بايلانىس ورنادى. قارجىلاي ينۆەستيسيا سالۋ بويىنشا ناقتى شەكتەۋ جوق، جوبانىڭ كولەمىنە بايلانىستى. باستاپقى كەزەڭدە 10 ميلليون دوللارعا دەيىنگى كولەمدە ينۆەستورلىق سالىم جاساۋعا دايىن وتىرمىز.
جالپى، امىرلىكتەرمەن ارىپتەستىك ورناعالى بەرى قازاقستانعا 3 ميلليارد 200 ميلليون دوللار تىكەلەي ينۆەستيسيا سالىنعان. شەتەلدىك كاپيتال ءۇشىن قازاقستان بارىنشا قولايلى جاعداي جاساپ وتىر. ءدال ءقازىر ەلىمىزدە امىرلىك ينۆەستورلارىنىڭ قاراجاتىنا 10-عا جۋىق ءىرى ينۆەستيسيالىق جوبا جۇزەگە اسىپ جاتىر.
وسى جىلى دا ينۆەستيسيالىق سالىمنىڭ بەلسەندىلىگى بايقالادى. ينفراقۇرىلىم، ەنەرگەتيكا، كولىك لوگيستيكاسى جانە باسقا دا نەگىزگى سالالارداعى ىنتىماقتاستىق ەكى ەلدىڭ ۇزاق مەرزىمدى دامۋىنا ىقپال ەتەدى.
قازاقستان رەسپۋبليكاسىنىڭ باا-دەگى ەلشىلىگىنىڭ ەكىنشى حاتشىسى: - ەكى ەل اراسىندا قارجى قىزمەتتەرى، فارماسيەۆتيكا، ەنەرگەتيكا، جاڭارتىلاتىن ەنەرگيا كوزدەرى، لوگيستيكا سالالارىندا ىنتىماقتاستىقتى دامىتۋعا ۇلكەن مۇمكىندىكتەر بار. 2022 جىلدىڭ قورىتىندىسى بويىنشا ءباا نەن قازاقستانعا تارتىلعان تىكەلەي ينۆەستيسيالاردىڭ اعىنى 417 ميلليون دوللارىنا جەتتى.
ەلدەر بىر-بىرىنەن الشاق جاتسا دا، جىل وتە ەكپىن الىپ كەلە جاتقان تىعىز ەكونوميكالىق قارىم-قاتىناس بار. وتكەن جىلى ەلدەر 632 ميلليون دوللارعا تاۋار الماسقان. كەلەر كۇندە دە اراب مەملەكەتى ورتالىق ازياداعى سەنىمدى ارىپتەس ەل – قازاقستانمەن تىعىز بايلانىس ورناتۋعا مۇددەلى.
يستوچنيك: https://24.kz/kz/zha-aly-tar/ekonomika/item/614819-arab-mirlikteri-aza-stan-a-investitsiya-salu-a-m-ddeli
ليۋبوە يسپولزوۆانيە ماتەريالوۆ دوپۋسكاەتسيا تولكو پري ناليچيي گيپەرسسىلكي نا www.24.kz