پارلامەنت پالاتالارىنىڭ بىرلەسكەن وتىرىسىندا پرەزيدەنت قاسىم-جومارت توقايەۆ كرەاتيۆتى يندۋستريا وندىرىسىنە قارجى تارتۋ جولدارىن جەڭىلدەتۋ قاجەتتىگىن ايتتى، دەپ حابارلايدى Almaty-akshamy.kz.
«ءقازىر كرەاتيۆتى يندۋستريا ورتالىقتارى ءۇش ءىرى قالادا (استانا، الماتى، شىمكەنت) شوعىرلانعان. وڭىرلەر بۇل تۇرعىدا نازاردان تىس قالىپ وتىر. مۇنى تۇزەتۋ كەرەك. تالانتتاردى تارتاتىن شىعارماشىلىق يندۋستريانىڭ ورتالىقتارى ءاربىر وبلىس ورتالىعىندا، ءاربىر ءىرى قالادا بولۋعا ءتيىس. ول ورتالىقتار قاتىسۋشىلارعا ءوز ونىمدەرىن كوممەرسيالاندىرۋ ماسەلەلەرىنە كومەكتەسۋ كەرەك»، - دەدى قاسىم-جومارت توقايەۆ.
سونداي-اق، مەملەكەت باسشىسى كرەاتيۆتى يندۋستريا وندىرىسىنە قارجى تارتۋ جولدارىن جەڭىلدەتۋ كەرەكتىگىن باسا ايتتى.
«كرەاتيۆتى يندۋستريا نىساندارىنىڭ وندىرىستىك پروسەستەگى ەرەكشەلىكتەرى ولارعا كاسىپكەرلىكتى قولداۋ باعدارلامالارىنا تولىق قاتىسۋعا، قارجى تارتۋعا مۇمكىندىك بەرمەيدى. «كرەاتيۆ يەلەرىن» قولداۋ شارالارىنىڭ جەكە پاكەتىن ازىرلەۋ قاجەت دەپ سانايمىن»، - دەدى پرەزيدەنت.