بەلگىلى اقىن، «ەرەن ەڭبەگى ءۇشىن» مەدالىنىڭ يەگەرى، «الاش» حالىقارالىق ادەبي سىيلىعىنىڭ لاۋرەاتى ءادىلعازى جاقسىلىق ۇلى قايىربەكوۆ قازاقستاندا اتوم ەلەكتر ستانسياسىن سالۋ ماسەلەسى بويىنشا رەفەرەندۋمعا قاتىستى، دەپ حابارلايدى aqshamnews.kz.
ءادىلعازى قايىربەكوۆ الماتىنىڭ اۋەزوۆ اۋدانىنداعى № 123 مەكتەپتە ورنالاسقان №624 سايلاۋ ۋچاسكەسىنە كەلدى.
«بۇگىن رەفەرەندۋم ءوتىپ جاتىر، ونىڭ قورىتىندىسى ەلىمىزدەگى وزگەرىستەرگە اسەر ەتەدى. قازاقستان حالقىنا اەس قۇرىلىسى ماسەلەسى بويىنشا كوزقاراسىن ءبىلدىرۋ مۇمكىندىگى وتە ماڭىزدى. وسى ماسەلەگە قاتىستى بارلىق تۇيتكىلدى زەرتتەپ، مەن بولاشاق ۇرپاقتىڭ ومىرىنە وڭ اسەر ەتەتىن شەشىمدى قولدادىم»، – دەدى ءادىلعازى جاقسىلىق ۇلى.
ەستەرىڭىزگە سالايىق، بۇگىن قازاقستاندا اتوم ەلەكتر ستانسياسىن سالۋ ماسەلەسى بويىنشا رەسپۋبليكالىق رەفەرەندۋم ءوتىپ جاتىر. الماتى اكىمى ەربولات دوسايەۆ جۇبايىمەن بىرگە تاڭەرتەڭ №388 مەكتەپ-ليسەيىندە ورنالاسقان سايلاۋ ۋچاسكەسىنە العاشقىلاردىڭ ءبىرى بولىپ كەلىپ، داۋىس بەردى. الماتىلىقتار سايلاۋ ۋچاسكەلەرىنە بارىپ، ساعات 20:00-گە دەيىن داۋىس بەرە الادى.