الماتىدا №45 جالپى ءبىلىم بەرەتىن مەكتەپتە ورنالاسقان №237 سايلاۋ ۋچاسكەسىندە سۋ ارناسى جۇيەسىندە جۇمىس جاسايتىن ەڭبەك اۋلەتى – كوروتۋنوۆتار وتباسى رەفەرەندۋمدا داۋىس بەردى. الماتىنىڭ سۋمەن جابدىقتاۋ جانە سۋ بۇرۋ جۇيەسىندەگى ولاردىڭ جالپى جۇمىس ءوتىلى ءبىر عاسىردان اسادى جانە 106 جىلدى قۇرايدى، دەپ حابارلايدى aqshamnews.kz.
ەڭبەك اۋلەتتەرى-كەز-كەلگەن كاسىپورىننىڭ ماقتانىشى مەن تىرەگى. «الماتى سۋ» مكك-دا ماماندىقتىڭ كۇردەلىلىگىنە قاراماستان، ءوز ىستەرىنە ادال كوپتەگەن وتباسىلار جۇمىس ىستەيدى. ولار مەگاپوليستى تۇراقتى جانە ساپالى سۋمەن قامتاماسىز ەتەدى، ءوز تاجىريبەلەرىن ۇرپاقتان-ۇرپاققا جەتكىزەدى.
وسىنداي وتباسىلاردىڭ بىرى-كوروتۋنوۆتار اۋلەتى. ەڭبەك اۋلەتىنىڭ نەگىزىن قالاۋشىلار - الەكساندر نيكولايەۆيچ جانە ونىڭ جۇبايى ماريا يۆانوۆنا.
الەكساندر نيكولايەۆيچ 1976 جىلدان 2005 جىلعا دەيىن سۋ وتكىزۋ قۇرىلىستارىنىڭ وپەراتورى بولىپ جۇمىس ىستەدى، ماريا يۆانوۆنا ينجەنەر رەتىندە قالامىزدىڭ سۋ بۇرۋ جۇيەسىن دامىتۋدىڭ باستاۋىندا تۇردى جانە 1974 جىلدان 1989 جىلعا دەيىن كارىز تازارتۋ قۇرىلىستارىندا جۇمىس ىستەدى.
ولاردىڭ ءىسىن بالالارى - اناتوليي مەن الەكسەي كوروتۋنوۆتار جالعاستىرۋدا. اناتوليي الەكساندروۆيچ 1989 جىلدان باستاپ سۋ قۇبىرى-كارىز كەشەنىندە جۇمىس ىستەپ، ءارتۇرلى لاۋازىمداردى اتقاردى جانە قازىرگى ۋاقىتتا كارىز تازارتۋ قۇرىلىستارىنىڭ باس تەحنولوگى بولىپ جۇمىس ىستەيدى.
الەكسەي الەكساندروۆيچ ەڭبەك جولىن 1993 جىلى سۋ ارناسىندا باستاعان، ال ءقازىر «الماتى سۋ» مكك سۋ قۇبىرى جەلىلەرى دەپارتامەنتىنىڭ وندىرىستىك-تەحنيكالىق ءبولىمىن باسقارادى.
كوروتۋنوۆتاردىڭ ءۇشىنشى بۋىنىنىڭ وكىلى-ستەپان الەكسەيەۆيچ، 2018 جىلدان باستاپ وسى كومپانيانىڭ ەلەكتروندىق كارتاسىن سۇيەمەلدەۋ بولىمىندە 2 ساناتتى ينجەنەر بولىپ جۇمىس ىستەيدى.
«بۇگىن ءبىز سايلاۋ ۋچاسكەسىنە داۋىس بەرۋ ءۇشىن كەلدىك – بۇل ءبىزدىڭ ازاماتتىق بورىشىمىز. سۋمەن جابدىقتاۋ جانە كارىز سالاسىندا ۇزاق جىلدار بويى جۇمىس ىستەي وتىرىپ، ءبىز ەلىمىزدىڭ تۇراقتى دامۋى ءۇشىن ەلەكتر ەنەرگەتيكاسىنىڭ ماڭىزدىلىعىن تۇسىنەمىز"، – دەدى الەكسەي الەكساندروۆيچ وتباسىلىق اۋلەت اتىنان.
ەستەرىڭىزگە سالا كەتەيىك، بۇگىن قازاقستان اۋماعىندا اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە. الماتى اكىمى ەربولات دوسايەۆ جۇبايىمەن بىرگە №48 مەكتەپ-ليسەيىندە №388 سايلاۋ ۋچاسكەسىنە كەلىپ، العاشقىلاردىڭ ءبىرى بولىپ داۋىس بەرۋگە قاتىستى. قالاداعى سايلاۋ ۋچاسكەلەرى ساعات 20:00-گە دەيىن جۇمىس ىستەيتىن بولادى.