جىلدامدىقتى اسىرعان جۇرگىزۋشىلەرگە ايىپپۇل سالىنادى.
ييدم اۆتوموبيل جولدارى كوميتەتى ءتوراعاسىنىڭ ورىنباسارى امانگەلدى بەكوۆتىڭ ايتۋىنشا، قازاقستانداعى 11 مىڭ اقىلى جولعا «سەرگەك» كامەرالارى ورناتىلادى، دەپ حابارلايدى Almaty-akshamy.kz
ەلىمىزدە جىل سايىن 2 مىڭنان اسا ادام كولىك اپاتىنان كوز جۇمادى. اپاتقا باستى سەبەپتىڭ ءبىرى – جۇرگىزۋشىلەردىڭ كولىك جىلدامدىعىن اسىرۋى.
«جۇرگىزۋشىلەر جولدا جىلدامدىقتى اسىرادى. استانا – بۋراباي تاس جولىندا بارلىق كامەرا ىستەپ تۇر. وندا ساعاتىنا 140 شاقىرىم جىلدامدىقپەن جۇرۋگە رۇقسات بەرىلگەن. الايدا جۇرگىزۋشىلەر ساعاتىنا 180-200 شاقىرىم جىلدامدىقپەن جۇرەدى. وسىلايشا، ولار جول قاۋىپسىزدىگى ەرەجەسىن بۇزادى. قازاقستانداعى جولداردىڭ باسىم بولىگى ەكى جولاقتى. سالدارىنان (جۇرگىزۋشىلەر جىلدامدىقتى اسىرىپ، – اۆتور) جولدىڭ قارسى باعىتىنا شىعىپ كەتەدى. سوسىن ادام ءولىمى كوپ تىركەلەدى»، - دەدى امانگەلدى بەكوۆ وكق-دا وتكەن باسپا ءسوز ءماسليحاتىندا.
وسىعان بايلانىستى يندۋستريا جانە ينفراقۇرىلىمدىق دامۋ مينيسترلىگى 2030 جىلعا دەيىن اقىلى جولدارعا «سەرگەك» كامەرالارىن ورناتۋدى جوسپارلاپ وتىر.
«جوبا بويىنشا قازاقستانداعى 25 مىڭ شاقىرىم جولدىڭ 11 مىڭىن اقىلى بولدىرۋدى جوسپارلاپ وتىرمىز. وسى 11 مىڭ جولدا كامەرالار بولادى. وسى رەسپۋبليكالىق ماڭىزى بار، اقىلى جولارداردىڭ بويىنا 94 كامەرا ورناتتىق. ءقازىر ونىڭ 33ء-ى جۇمىس ىستەپ تۇر»، - دەدى كوميتەت ءتوراعاسىنىڭ ورىنباسارى.
ونىڭ ايتۋىنشا، جولدارعا ورناتىلاتىن كامەرالار «سەرگەك» سياقتى جۇمىس ىستەيدى.
«ءقازىر ءبىز ىشكى ىستەر مينيسترلىگىمەن بىرلەسىپ، كامەرالاردى ىسكە قوسىپ جاتىرمىز. وندا كامەرا كولىكتىڭ جىلدامدىعىن تەكسەرەدى. جۇرگىزۋشى جىلدامدىقتى اسىرسا، وعان ايىپپۇل سالىنادى. جۇرگىزۋشىلەردىڭ ءتارتىبىن باقىلاساق، بۇل كولىك اپاتىنان قازا تاباتىنداردىڭ سانىن ازايتۋعا مۇمكىندىك بەرەدى»، - دەدى امانگەلدى بەكوۆ.