ەلىمىزدە 11 اقىلى جول بار.
اقىلى جولداردا تاعى ءبىر قىزمەت ەنگىزىلدى، دەپ حابارلايدى Almaty-akshamy.kz
QazAvtoJol كومپانياسىنىڭ مالىمەتىنە سايكەس، قازاقستاندا اقىلى جولعا كىرگەن كولىك جۇرگىزۋشەلەرىنە SMS-حابارلاما جىبەرۋ بويىنشا پيلوتتىق جوبا ىسكە قوسىلدى.
پيلوتتىق جوبا اياسىندا اۆتوكولىك يەسىنە اقىلى جولعا وتكەنى تۋرالى SMS-حابارلاما تۇسەدى. سونىڭ ىشىندە تولەم ادىستەرى تۋرالى سىلتەمە دە بولادى. SMS-حابارلاما اشىق جۇيە ىسكە قوسىلعان جەتى اقىلى جولدان وتكەن كەزدە كەلەدى.
ولار:
استانا-پاۆلودار؛
شىمكەنت-قىزىلوردا؛
شىمكەنت-تاشكەنت؛
شىمكەنت-تاراز؛
تاراز-قاينار؛
قونايەۆ-تالدىقورعان؛
ششۋچينسك-كوكشەتاۋ؛
شلاگباۋمدار قاراستىرىلعان ۋچاسكەلەردەن وتكەن كەزدە ("استانا-ششۋچينسك"،" استانا-تەمىرتاۋ" ،"الماتى-قونايەۆ"،" الماتى-قورعاس") SMS-حابارلاما كەلمەيدى.
ايتا كەتەيىك، ەلىمىزدە جالپى ۇزىندىعى 2،200 شاقىرىمدى قۇرايتىن 11 اقىلى جول بار.