الماتىدا تۇرمىستىق زورلىق-زومبىلىققا قارسى ناۋقان باستالدى

الماتىدا تۇرمىستىق زورلىق-زومبىلىققا قارسى ناۋقان باستالدى.

16 مامىر مەن 18 مامىر ارالىعىندا الماتى قالاسىندا تۇرمىستىق زورلىق-زومبىلىقتىڭ الدىن الۋ جانە وعان قارسى تۇرۋ، پوليسياعا دەگەن سەنىمدى ارتتىرۋ، وتباسىنداعى ءرولدى كۇشەيتۋ بويىنشا قابىلدانىپ جاتقان شارالار تۋرالى حالىقتى اقپاراتتاندىرۋ ماقساتىندا “زورلىق-زومبىلىقسىز وتباسى” ناۋقانى ءوتىپ جاتىر، دەپ حابارلايدى Almaty-akshamy.kz

«ءبىز ايەلدەر مەن بالالارعا قاتىستى تۇرمىستىق زورلىق-زومبىلىقتىڭ الدىن الۋ، اگرەسسورلارمەن پروفيلاكتيكالىق جۇمىستاردى جۇرگىزۋ، پسيحولوگيالىق جانە قۇقىقتىق كومەك كورسەتۋ سياقتى ماقساتتاردى كوزدەپ وتىرمىز. تۇرمىستىق زورلىق-زومبىلىق دەرەگىن توقتاتۋ جانە ءتارتىپ بۇزۋشىنى جاۋاپكەرشىلىككە تارتۋ ءۇشىن پوليسيانىڭ “102” تەلەفون نومىرىنە، سونداي-اق “150” جانە “111” سەنىم تەلەفوندارىنا حابارلاسۋ قاجەت. بۇل كۇندەرى ءبىز تۇرمىستىق زورلىق-زومبىلىق جاعدايىندا، قىزمەتتەرمەن، بايلانىس ارنالارى تۋرالى حاباردار ەتۋ ماقساتىندا تۇرعىندار اراسىندا اقپاراتتىق جۇمىستى، ونىڭ ىشىندە ەلەكتروندى بيلبوردتار ارقىلى دا كۇشەيتتىك»، – دەدى الماتى قالاسى پد جەرگىلىكتى پوليسيا قىزمەتى باسقارماسىنىڭ ايەلدەردى زورلىق-زومبىلىقتان قورعاۋ بولىمشەسىنىڭ اعا ينسپەكتورى اقبوتا ءابىلقاسىموۆا.

ايەلدەردى زورلىق-زومبىلىقتان قورعاۋ ينسپەكتورلارىنىڭ بايلانىس تەلەفوندارى: الماتى قالاسى پد جپقب 254-4599؛ الاتاۋ اۋدانى: 227-5554؛ المالى اۋدانى: 254-5302؛ اۋەزوۆ اۋدانى: 298-5333؛ بوستاندىق اۋدانى: 254-4732؛ جەتىسۋ اۋدانى: 254-4943؛ مەدەۋ اۋدانى: 254-4866؛ ناۋرىزباي اۋدانى: 254-4462؛ تۇركسىب اۋدانى: 298-5425.