الماتىدا ءبىلىم بەرۋدەگى جاڭا تەحنولوگيالار جونىندەگى EdCrunch Reload 2022 «اقىل-وي مەن تەحنولوگيالاردىڭ توعىسۋى» حالىقارالىق كونفەرەنسيا ءوتءىپ جاتىر
رەسپۋبليكا سارايىندا الماتى قالاسىنىڭ اكىمى ەربولات دوسايەۆ، وقۋ-اعارتۋ ءمينيسترى اسحات ايماعامبەتوۆ جانە عىلىم جانە جوعارى ءبىلىم ءمينيسترى ساياسات نۇربەكتىڭ قاتىسۋىمەن EdCrunch Reload 2022 حالىقارالىق كونفەرەنسيا باستالدى، دەپ حابارلايدى اlmaty-akshamy.kz.
ءىس-شاراعا 25 ەلدەن 350 ساراپشى قاتىسقان. ولاردىڭ ىشىندە يزرايل، فينليانديا، وزبەكستان، ءازىربايجان، ارمەنيا ەلدەرىنىڭ عىلىم جانە ءبىلىم مينيسترلەرى، سونىمەن قاتار، الەمدىك دەڭگەيدەگى جيىرمادان استام جەتەكشى ۋنيۆەرسيتەتتىڭ رەكتورلارى بار.
EdCrunch سپيكەرلەرى اراسىندا Minerva يننوۆاسيالىق ۋنيۆەرسيتەتىنىڭ نەگىزىن قالاۋشى بەن نەلسون، General Assembly وقىتۋ جانە يننوۆاسيالار جونىندەگى ۆيسە-پرەزيدەنتى ديەۆيد پوركارو، لوندون كورولدىك كوللەدجىنىڭ گەنەتيكا پروفەسسورى روبەرت پلومين، الەمدەگى العاشقى Lab of Misfits نەيروديزاين ستۋدياسىنىڭ نەگىزىن قالاۋشى بو لوتتو جانە ءبىلىم بەرۋ سالاسىنداعى كوپتەگەن باسقا حالىقارالىق ساراپشى بار. القالى جيىنعا قازاقستان اتىنان مەكتەپ ديرەكتورلارى، جوو رەكتورلارى، مۇعالىمدەر، تاربيەشىلەر جانە وفلاين جانە ونلاين فورماتتا قاتىسقان 20 مىڭنان استام ادام جينالدى.
كونفەرەنسيا بارىسىندا ساراپشىلار وقىتۋدىڭ گيبريدتى فورماتى، مەكتەپ جاسىنا دەيىنگى بالالاردىڭ ينتەللەكتىسىن دامىتۋ، سيفرلىق ترانسفورماسياعا بەيىمدەلۋ، Big Data پايدالانۋ مۇمكىندىكتەرى، ءبىلىم بەرۋ كەڭىستىگىن جوبالاۋ جانە ت.ب. ماسەلەنى تالقىلادى.
23 جانە 24 قاراشادا كونفەرەنسيا كۇندەرى ءىس-شارا قوناقتارى ءۇشىن EdCrunch Expo ينتەراكتيۆتى كورمەسى ۇيىمداستىرىلدى، ونىڭ اياسىندا وفلاين جانە ونلاين رەجيمدە جاڭا EdTech ونىمدەرىمەن، ولاردىڭ اۆتورلارىمەن تانىسىپ، كەزدەسۋ وتكىزۋگە، جەتكىزۋشىلەر مەن سەرىكتەستەر تابۋعا بولادى.