اقتوبەدە ازاماتتاردىڭ اتىنا ونلاين نەسيە راسىمدەگەن الاياق سوتتالدى، - دەپ حابارلايدى اqshamnews.kz ءتىلشىسى.
اقتوبە قالاسىنىڭ №2 سوتى ءىرى كولەمدەگى الاياقتىق جاسادى دەپ ايىپتالعان ەر ادامعا قاتىستى قىلمىستىق ءىستى قارادى. تەرگەۋ مالىمەتىنشە، ول سىبايلاستارىنىڭ كومەگىمەن ءوزىن «قازپوشتا» اق مەن ۇلتتىق بانكتىڭ قىزمەتكەرى رەتىندە تانىستىرعان.
كۇدىكتى ازاماتتاردىڭ ۇيالى تەلەفوندارىنا كەلەتىن ءبىر رەتتىك قۇپيا SMS-كودتاردى الداپ العان. كەيىن سول دەرەكتەر ارقىلى ءموبيلدى بانكينگ جۇيەسىمەن قاراجاتتى ءوزى باسقارعان شوتتارعا اۋدارىپ، جابىرلەنۋشىلەردىڭ اتىنا ونلاين نەسيە راسىمدەگەن.
الاياقتىڭ ارەكەتىنەن بەس ادام زارداپ شەگىپ، جالپى شىعىن كولەمى 26،9 ملن تەڭگەنى قۇرادى.
سوت وتىرىسىندا ايىپتالۋشى ءوز كىناسىن مويىنداماعانىمەن، ونىڭ قىلمىسقا قاتىسى جابىرلەنۋشىلەردىڭ جاۋابى، بانكتىك تولەم ۇزىندىلەرى جانە ءىس ماتەريالدارىمەن دالەلدەندى.
«سوت ۇكىمىمەن ازامات “چ.” قىلمىستىق كودەكستىڭ 28-بابى 5-بولىگى جانە 190-بابى 3-بولىگىنىڭ 1، 4-تارماقتارى بويىنشا كىنالى دەپ تانىلىپ، 4 جىل 8 اي مەرزىمگە باس بوستاندىعىنان ايىرىلدى»، – دەلىنگەن سوت حابارلاماسىندا.
قازاقستان رەسپۋبليكاسى كونستيتۋسياسىنىڭ 30 جىلدىعىنا بايلانىستى جاريالانعان امنيستيا تۋرالى زاڭعا سايكەس، بۇل مەرزىمنىڭ بەستەن ءبىرى قىسقارتىلىپ، تۇپكىلىكتى جازا 3 جىل 8 اي 24 كۇن باس بوستاندىعىنان ايىرۋ بولىپ بەكىتىلدى.
ۇكىم زاڭدى كۇشىنە ەندى.