اقتوبە قالاسىندا 40 جاستاعى ەر ادام جەكە ۇيدە ادامداردى كەپىلگە الىپ، پوليسيا ارنايى وپەراسيا ناتيجەسىندە كەپىلگە الىنعانداردى بوساتقان بولاتىن. 24.kz پورتالىنىڭ مالىمەتىنشە، زارداپ شەككەن قىز اۋرۋحاناعا جەتكىزىلدى، ونىڭ جاعدايى اۋىر. الايدا، 67 جاستاعى اناسى مەن 75 جاستاعى وگەي اكەسى قازا تاپتى. اناسى جەدەل جاردەم كولىگىندە كوز جۇمسا، ال وگەي اكەسى وپەراسيا ۇستەلىندە جان تاپسىردى، دەپ حابارلايدى aqshamnews.kz
«جەدەل قىزمەتتەر كۇدىكتىنىڭ بۇرىن كەپىلگە الىنعان ايەلمەن تانىس بولعانىن انىقتادى. ول قانداي دا ءبىر تالاپتار قويعان جوق. ءۇش ساعاتقا سوزىلعان كەلىسسوزدەر مەن كۇدىكتىنىڭ تالاپتاردى ورىنداۋدان باس تارتۋىنان كەيىن، مۇقيات دايىندىقتان سوڭ، ارنايى وپەراسيا جۇرگىزىلدى. كۇدىكتى وقيعا ورنىندا تۇتقىندالدى. سارايداعى جەرتولەدەن پىشاق جاراقاتتارى بار ايەلدىڭ قارت اتا-اناسى تابىلدى. وكىنىشكە قاراي، ولاردى امان الىپ قالۋ مۇمكىن بولمادى. قىلمىستىق ءىس قوزعالىپ، كۇدىكتى ۋاقىتشا ۇستاۋ يزولياتورىنا جىبەرىلدى»، - دەپ حابارلايدى پوليسيا باسقارماسى.
وقيعا پوليسيانىڭ شۇعىل ارەكەتى مەن ارنايى قىزمەتتەردىڭ ۇيلەسىمدى جۇمىسىنىڭ ارقاسىندا اياقتالدى، ءبىراق بۇل قايعىلى جاعداي ەلدىڭ نازارىن اۋدارىپ، قوعامدا ۇلكەن الاڭداۋشىلىق تۋدىردى.