قانداي دا ءبىر اقپارات بولسا، 8771-785-1058 نومىرىنە قوڭىراۋ سوعىڭىز.
اقتوبە قالاسىندا ءتورت جاسار دانيل احۋنوۆ تابىلماي جاتىر. ول بۇگىن تاڭەرتەڭ اۋلادا ويناپ جۇرگەن جەرىنەن جوق بولىپ كەتتى، دەپ حابارلايدى Almaty-akshamy.kz.
بۇگىن ساعات 9:35-تە جەدەل باسقارۋ ورتالىعىنىڭ 102 تەلەفونىنا اقتوبە قالاسى قازانعاپ كوشەسىندەگى №59 ءۇيدىڭ اۋلاسىنان 2018 جىلى تۋعان احۋنوۆ دانيل ءارتۋروۆيچتىڭ جوعالىپ كەتكەنى تۋرالى حابارلاما ءتۇستى. ونى ىزدەۋگە پوليسيامەن قاتار ەرىكتىلەر جۇمىلدىرىلدى.
«بويى شامامەن 120 سم، دەنە ءبىتىمى ارىق، شاشى قوڭىر ءتۇستى. قىزعىلت سارى ءتۇستى كۇرتە، اشىق كوك ءتۇستى توقىلعان باس كيىم، كوك ءتۇستى كۇدەرى اياق كيىمى بار. بالانى ىزدەۋگە پوليسيانىڭ كەشەندى كۇشتەرىنىڭ جاساقتارى، ق ر ۇۇ اسكەري قىزمەتشىلەرى مەن ەرىكتىلەر تارتىلدى. قانداي دا ءبىر اقپاراتقا يە ادامداردىڭ بارلىعىنان 102 نومىرىنە نەمەسە 8771-785-1058 نومىرىنە قوڭىراۋ شالۋدى سۇرايمىز»، - دەپ حابارلادى وبلىستىق پد باسپا ءسوز قىزمەتىنىڭ جەتەكشىسى ەربولات سارقۇلوۆ.