اقتوبەدەگى ساياباقتا باتۋتتا ويناعان 8 جاستاعى بالا اۋىر جاراقات الىپ، كەيىن مۇگەدەك بولىپ قالدى. سوت باتۋت پاركىنىڭ قاۋىپسىزدىك تالاپتارىن ساقتاماعانىن دالەلدەدى، دەپ حابارلايدى اqshamnews.kz ءتىلشىسى.
وقيعا 2024 جىلى بولعان: بالا دۇرىس ۇرلەنبەگەن ماتراسقا سەكىرىپ، بىرنەشە جەردەن سۇيەگى سىنعان. وتا جاسالعانىمەن جاعدايى ناشارلاپ، جانساقتاۋ بولىمىنە تۇسكەن. كەيىن قايتا وپەراسيالار جاسالىپ، ەمىن استانادا جالعاستىرعان. 2025 جىلدىڭ قاڭتارىندا وعان III توپ مۇگەدەكتىگى تاعايىندالعان.
بالانىڭ اناسى مورالدىق شىعىندى ءوندىرۋدى تالاپ ەتىپ، سوتقا جۇگىنگەن. العاشقى سوت باتۋت پاركىنەن 2 ملن تەڭگە وندىرسە، اپەللياسيادا پارك بالالارعا ءقاۋىپسىز ورتا جاساماعانى انىقتالىپ، وتەماقى كولەمى 7 ملن تەڭگەگە دەيىن ۇلعايتىلدى.
ايتا كەتەيىك، بۇعان دەيىن بۇل جاعداي بويىنشا قىلمىستىق ءىس قوزعالعانىمەن، كەيىن توقتاتىلعان.