اقتوبە وبلىسىنىڭ ارنايى پروكۋرورلارى ينتەرنەت-دۇكەن ارقىلى بۇكىل ەلگە پسيحوتروپتىق زاتتار ساتۋمەن اينالىسقان ۇيىمداسقان قىلمىستىق توپقا قاتىستى تەرگەۋ ءىسىن اياقتادى، دەپ حابارلايدى Aqshamnews.kz ءتىلشىسى.
بۇل فاكت اقتوبە وبلىسى پوليسيا دەپارتامەنتىمەن بىرلەسىپ جۇرگىزىلگەن ءىس-شارالار بارىسىندا انىقتالدى. دۇكەننىڭ جالپى اينالىمى 50 ملن تەڭگەدەن اسقان.
ينتەرنەت-دۇكەن «Telegram» قوسىمشاسىندا «بايلانىسسىز قاتىسۋ» فورماتى ارقىلى جۇمىس ىستەگەن، ال اقشا قاراجاتتارى «دروپپەرلەردىڭ» بانكتىك كارتالارى ارقىلى اينالىمعا تۇسكەن.
قولدانىلعان زاڭ نورمالارى: ق ر قىلمىستىق كودەكسىنىڭ 262، 297، 299-1-باپتارى (ۇيىمداسقان توپ قۇرۋ، وعان باسشىلىق ەتۋ، ەسىرتكى جانە پسيحوتروپتىق زاتتاردى زاڭسىز يەمدەنۋ، ساقتاۋ، تاسىمالداۋ، وتكىزۋ، ناسيحاتتاۋ نەمەسە جارنامالاۋ).
جەدەل-تەرگەۋ ءىس-شارالارى بارىسىندا قاراعاندى، سولتۇستىك قازاقستان، اقتوبە وبلىستارى جانە استانا قالاسىندا 6 ادام ۇستالدى. 10 كگ-نان استام پسيحوتروپتىق زات تاركىلەندى.
تەرگەۋ ورگاندارىنىڭ ءتيىمدى ارەكەتتەرىنىڭ ارقاسىندا ينتەرنەت-دۇكەن تولىق جويىلدى. قازىرگى ۋاقىتتا قىلمىستىق ءىس سوتقا جولداندى.