سامارا-شىمكەنت تراسساسىنىڭ ىرعىز اۋدانىنا جاقىن ورنالاسقان ۋچاسكەسىندە تۇنگى ۋاقىتتا شەتەلدىك جولاۋشىلار مىنگەن اۆتوبۋس بۇزىلىپ قالعان، دەپ حابارلايدى aqshamnews.kz
بۇل وقيعا اقتوبە وبلىسىنىڭ ىرعىز اۋدانىنا قاراستى جول ۋچاسكەسىندە ورىن الدى. اۆتوبۋس ىشىندەگى 52 جولاۋشى تۇندە جولدا قالىپ، كومەككە مۇقتاج بولدى.
قازاقستاننىڭ توتەنشە جاعدايلار مينيسترلىگىنىڭ حابارلاۋىنشا، بارلىق جولاۋشىلار ەۆاكۋاسيالاندى جانە ولار ىرعىز اۋىلىنداعى جىلىنۋ پۋنكتىنە جەتكىزىلدى. ەۆاكۋاسيا كەزىندە ەشكىم مەديسينالىق كومەككە جۇگىنبەگەن. قۇتقارىلعان جولاۋشىلاردىڭ ىشىندە 46 وزبەكستان ازاماتى مەن 6 تاجىكستان ازاماتى بولعان. ولار ءقاۋىپسىز جەرگە جەتكىزىلگەننەن كەيىن باسقا اۆتوبۋسقا وتىرعىزىلىپ، ساپارلارىن ءارى قاراي جالعاستىردى.
بۇل وقيعا توتەنشە جاعدايلار مينيسترلىگى مەن جەرگىلىكتى قۇتقارۋشىلاردىڭ جەدەل ارەكەت ەتۋىنىڭ ارقاسىندا ۋاقىتىندا شەشىمىن تاۋىپ، شەتەلدىك ازاماتتاردىڭ قاۋىپسىزدىگى قامتاماسىز ەتىلدى.