قازاقستاننىڭ دەنساۋلىق ساقتاۋ ءمينيسترى اقمارال ءالنازاروۆا Azerbaijan Airlines اۋە كومپانياسىنىڭ ۇشاعى اقتاۋ اۋەجايىندا اپاتقا ۇشىراۋىنا قاتىستى پىكىر ءبىلدىردى، دەپ حابارلايدى aqshamnews.kz
"وقيعا ورنىنا ۇشاق جىبەرىلدى. جەدەل جاردەمنىڭ 14 بريگاداسى اتتاندى. قازىرگى ۋاقىتتا التى ادامنىڭ امان قالعانى بەلگىلى، ءبىراق ولاردىڭ جاعدايى وتە اۋىر،" — دەپ حابارلادى مينيسترلىكتىڭ باسپا ءسوز قىزمەتى.
كەيبىر بۇقارالىق اقپارات قۇرالدارىنىڭ مالىمەتىنشە، اپاتتىڭ سەبەبى قۇستارمەن سوقتىعىسۋ بولۋى مۇمكىن. الايدا، باكۋ – گروزنىي باعىتىمەن ۇشقان ۇشاقتىڭ اقتاۋ اۋەجايى ۇستىندە قالاي پايدا بولعانى بەلگىسىز.
"اپات ورنىنا تراۆماتولوگتار مەن نەيروحيرۋرگتاردى جەتكىزۋ ءۇشىن سانيتارلىق اۆياسيا دايىندالدى. جاراقات العاندارعا وقيعا ورنىندا كومەك كورسەتىلەتىن بولادى،" — دەدى اقمارال ءالنازاروۆا.
بۇعان دەيىن اقتاۋدا اپاتقا ۇشىراعان ۇشاقتىڭ ىشىندە قازاقستاندىقتاردىڭ بولعانىن جازعان ەدىك.