ماڭعىستاۋ وبلىستىق دەنساۋلىق ساقتاۋ باسقارماسىنىڭ مالىمەتىنشە، Embraer 190 ۇشاعىنىڭ اپات ورنىنا 22 جەدەل جاردەم بريگاداسى مەن اپات مەديسيناسى ورتالىعىنىڭ التى بريگاداسى جىبەرىلدى، دەپ حابارلايدى aqshamnews.kz
باسقارمانىڭ حابارلاۋىنشا، ازەربايجان اۋە كومپانياسىنا تيەسىلى ۇشاقتا باللون جارىلعان.
"وبلىستىق كوپبەيىندى اۋرۋحانادا 30 حيرۋرگيالىق جانە تراۆماتولوگيالىق توسەك، سونداي-اق 10 رەانيماسيالىق توسەك دايىندالدى. وبلىستىق بالالار اۋرۋحاناسى 20 توسەك پەن 10 رەانيماسيالىق ورىن دايىندادى،" — دەپ حابارلادى وبلىستىق دەنساۋلىق ساقتاۋ باسقارماسى.
مەديسينالىق مەكەمەلەرگە 14 ادام جەتكىزىلدى، ونىڭ بەسەۋى اۋىر حالدە، ولار رەانيماسياعا جاتقىزىلدى. 11 جاستاعى بالا قابىلداۋ بولىمىندە تەكسەرىلۋدە. سونىمەن قاتار، 16 جاستاعى ءجاسوسپىرىم دە اۋرۋحاناعا جەتكىزىلۋدە.