قاراكول كولىندە اققۋلاردىڭ جاپپاي قىرىلۋىنان كەيىن جانە "Aktau Tourism Ltd قۇبىرىنان سۋ سىناماسىن العان سوڭ اقتاۋداعى Rixos قوناقۇيىنە قاتىستى ەكى اكىمشىلىك ءىس قوزعالدى.
وبلىستىق ەكولوگيا دەپارتامەنتى جۇرگىزگەن جوسپاردان تىس تەكسەرۋ قورىتىندىسى بويىنشا Aktau Tourism Ltd ەكولوگيالىق زاڭناما تالاپتارىن ورىنداماعان، دەپ جازدى لادا.
ءقوناقۇي اكىمشىلىگىنە قاتىستى ق ر اقبتك-نىڭ 331-بابىنىڭ 2-بولىگىمەن جانە 328-بابىنىڭ 1-بولىگىمەن اكىمشىلىك ىستەر قوزعالدى.
- ق ر اقبتك-نىڭ 331-بابى "اتموسفەرالىق اۋانى قورعاۋ جانە سۋ وبەكتىلەرىن لاستانۋدان جانە بىتەلۋدەن قورعاۋ جونىندەگى تالاپتاردى بۇزۋ". وسى باپتىڭ ەكىنشى بولىگىندە ءدال سول قۇرىلىمعا، جابدىققا نەمەسە شىعارىندىلار كوزىنە قاتىستى ءبىر جىلدا، ال ءىرى كاسىپكەرلىك سۋبەكتىلەرى اكىمشىلىك جازا قولدانىلعاننان كەيىن ءۇش جىل ىشىندە قايتادان جاسالسا، ىس-ارەكەتتەردى جاسايدى.
- ق ر اكىمشىلىك قۇقىق بۇزۋشىلىق تۋرالى كودەكسىنىڭ 328-بابى "قورشاعان ورتاعا جول بەرىلەتىن انتروپوگەندىك اسەر ەتۋ نورمالارىن بۇزۋ". ءبىرىنشى ءبولىم تەحنولوگيالىق شىعارىندىلار نورماتيۆتەرىنىڭ، تەحنولوگيالىق رازريادتاردىڭ نورماتيۆتەرىنىڭ، تەحنولوگيالىق سپەسيفيكالىق شىعارىندىلاردىڭ نورماتيۆتەرىنىڭ نەمەسە قورشاعان ورتاعا ەميسسيالاردىڭ نورماتيۆتەرىنىڭ، ەكولوگيالىق رۇقساتتا كورسەتىلمەگەن كوزدەردەن شىعارىندىلاردىڭ، سونداي-اق قولدانىستاعى وبەكتىگە جاڭادان بەرىلگەن ەكولوگيالىق رۇقساتسىز شىعارىندىلاردىڭ اسىپ كەتۋىن بىلدىرەدى. بۇل قورشاعان ورتاعا كەرى اسەرىن تيگىزەدى.
(رەد.) قىسقاشا ايتقاندا: كومپانيا قاراكول كولىن لاستادى جانە كولگە شىعارىندىلار نورماسىن اسىردى دەپ ايىپتالىپ وتىر.
ءقازىر اكىمشىلىك ايىپپۇل ەسەپتەلىپ جاتىر.