وقيعاعا قاتىستى قىلمىستىق ءىس قوزعالعان
اقتاۋدا ەكى ازاماتتى ازاپتاعان ءۇش جىگىتتى پوليسيا ۇستاپ، تەرگەۋ يزولياتورىنا قامادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ادام توزگىسىز جاۋىزدىققا بارعانداردىڭ تاعى بىرەۋى ءالى بوستاندىقتا ءجۇر. ءتارتىپ ساقشىلارى اۋماقتى ارالاپ، ىزدەۋ جۇمىستارىن جالعاستىرىپ جاتىر. ەسكە سالساق، بۇگىن تۇسكە تامان الەۋمەتتىك جەلىدە بەتىن تۇمشالاعانداردىڭ ءبىر جىگىتتىڭ ساۋساعىن ءبىر تالداپ سىندىرىپ، ەكىنشىسىن بالتامەن ۇلىپ سۇلاتىپ، سوققىعا جىققان بەينەجازباسى تاراعان بولاتىن. پوليسيا دەرەگىنشە، ەكى وقيعا ءارتۇرلى ۋاقىتتا بولعان. جاستاردىڭ مۇنداي ارەكەتكە ناقتى نە ءۇشىن بارعانى ازىرگە بەلگىسىز.
«ەكى فاكتىگە قاتىستى ق ر قك 293-بابى 3-بولىگى بويىنشا قىلمىستىق ءىس قوزعالعانىن حابارلايمىز. قازىرگى ۋاقىتتا تەرگەۋ امالدارى جۇرگىزىلىپ، وقيعالاردىڭ تولىق ءمان-جايى انىقتالىپ جاتىر»، – دەدى پوليسيا دەپارتامەنتىنىڭ رەسمي وكىلى ايگەرىم يباتۋللايەۆا.