اقتاۋعا رەسەيدەن ۇشاق اپاتىنان زارداپ شەككەندەرگە كومەكتەسۋ ءۇشىن مەديسينا قىزمەتكەرلەر مىنگەن بورت ۇشىپ كەلگەن بولاتىن.
بۇگىن ولار ءتۇرلى دەڭگەيدەگى جاراقات العان 9 وتانداسىمەن بىرگە ەلدەرىنە قايتتى، دەپ حابارلايدى aqshamnews.kz
رەسەي توتەنشە جاعدايلار مينيسترلىگىنە سىلتەمە جاساعان ريا نوۆوستي مالىمەتىنشە، قازاقستاندا ۇشاق اپاتىنان زارداپ شەككەن رەسەيلىكتەر بار ارنايى رەيس اقتاۋدان ماسكەۋگە ۇشتى. ەۆاكۋاسيالانعان 9 زارداپ شەككەندەردىڭ اراسىندا ءبىر بالا بار.
قازاقستاننان ماسكەۋگە ەۆاكۋاسيالانىپ جاتقان اپاتقا ۇشىراعان ۇشاق جولاۋشىلارىنىڭ جاعدايى اۋىر، ءبىراق تاسىمالداۋعا جارامدى، ولارعا ۇشاق بورتىندا بارلىق قاجەتتى مەديسينالىق كومەك كورسەتىلەدى، - دەپ حابارلادى رەسەي تجم "سەنتروسپاس" جاساعىنىڭ انەستەزيولوگ-رەانيماتولوگى ۆيكتور بەلينسكيي.
سونداي-اق اقتاۋدا ۆيسە-پرەمەر قانات بوزىمبايەۆ باستاعان ۇكىمەتتىك كوميسسيا جۇمىس ىستەپ جاتىر. ماڭعىستاۋ وبلىسىنىڭ اكىمى نۇرداۋلەت قيلىباي قازا تاپقاندار مەن زارداپ شەككەندەردىڭ وتباسىلارىنا مەملەكەت تاراپىنان ءتيىستى قولداۋ كورسەتىلەندىگىن ايتتى.