«2024 جىلعى جوعارى وقۋ ورنىنىڭ ۇزدىك وقىتۋشىسى» كونكۋرسىنىڭ جەڭىمپازدارى بەلگىلى بولدى.
رەسپۋبليكالىق كونكۋرستىق كوميسسيا ءوز ماماندىعى بويىنشا ەڭ ۇزدىك وقىتۋشىلاردى تاڭدادى، دەپ حابارلايدى aqshamnews.kz.
قازاقستاندىق 38 جوعارى وقۋ ورنىنىڭ 150 وقىتۋشىسى جەڭىمپاز اتاندى. ولاردىڭ ءارقايسىسى 2000 اەك كولەمىندە سىياقى الادى، بۇل شامامەن 7 ملن تەڭگەنى قۇرايدى. اقشالاي ىنتالاندىرۋدان بولەك «2024 جىلعى جوعارى وقۋ ورنىنىڭ ۇزدىك وقىتۋشىسى» كونكۋرسىنىڭ جەڭىمپازدارى توسبەلگىگە يە بولادى.
كونكۋرس جىل سايىن وقىتۋشى كاسىبىنىڭ بەدەلىن ارتتىرۋ جانە ولاردى ودان ءارى كاسىبي دامىتۋعا ىنتالاندىرۋ ماقساتىندا وتكىزىلەدى.
كونكۋرسقا ەلىمىزدىڭ 90 جوعارى وقۋ ورنىنان بارلىعى 946 ۇمىتكەر قاتىستى. كونكۋرستا ەلەكتروندى وقۋ رەسۋرستارىن، وقۋ ماتەريالدارىن ازىرلەۋ جانە جاريالاۋ، وتاندىق جانە حالىقارالىق جۋرنالدارداعى عىلىمي جاريالانىمدار، ونەرتابىسقا پاتەنتتەردىڭ بولۋى جانە ت.ب. سياقتى كورسەتكىشتەر، سونداي-اق ۇمىتكەردىڭ وقىتۋ ساپاسى، ونىڭ باكالاۆرياتتا، ماگيستراتۋرادا جانە دوكتورانتۋرادا كادرلار دايارلاۋ جونىندەگى ەڭبەگى باعالاندى.
ايتا كەتەيىك، كونكۋرس ق ر عجبم اقپاراتتىق جۇيەسىنىڭ بازاسىندا ءوتتى. ونىڭ كومەگىمەن قاتىسۋشىلار بارلىق كەزەڭدەردىڭ اشىقتىعىن باقىلاي الدى. «2024 جىلعى جوعارى وقۋ ورنىنىڭ ۇزدىك وقىتۋشىسى» كونكۋرسىنا قاتىسۋ ءۇشىن وتىنىمدەر مەن قۇجاتتار دا ەلەكتروندىق فورماتتا قابىلداندى. بۇل كونكۋرستى وتكىزۋدىڭ اشىقتىعىن قامتاماسىز ەتتى. سونداي-اق كوميسسيا قۇرامىنا ءعوب، جوو قاۋىمداستىقتارىنىڭ وكىلدەرى جانە جوعارى ءبىلىم بەرۋ سالاسىنداعى ساراپشىلار ەنگىزىلدى.
كونكۋرس جەڭىمپازدارىنىڭ تىزىمىمەن ق ر عجبم Telegram-ارناسى ارقىلى تانىسۋعا بولادى.