اقتاۋدا ءبىر جىل بويى پاتەردە ءولى جاتقان ايەل تابىلدى

مارقۇم كورىنبەي كەتكەن، وعان قوسا پاتەرىنىڭ الدىندا شوتتار جينالىپ قالعان

اقتاۋدا ايەلدىڭ ءمايىتى پاتەردە ءبىر جىل جاتقان،  دەپ حابارلايدى Almaty-akshamy.kz Tengrinews.kz سايتىنا سىلتەمە جاساپ.

InAktau سايتىنىڭ مالىمەتىنشە، 4 ىقشاماۋدانى 20 ۇيدەگى پاتەردەردىڭ بىرىنەن ايەل ءولى تابىلدى. ءمايىت ۇيدە ءبىر جىل جاتقان.

ونى كورشىسى بايقاپ، دابىل قاقتى. ايەلدىڭ سوزىنشە، مارقۇم كورىنبەي كەتكەن، وعان قوسا پاتەرىنىڭ الدىندا شوتتار جينالىپ قالعان. 

«جەلدى كۇندەرى ءيىس كەلەتىن، ءبىراق جەرتولەدەن شىعىپ جاتقان شىعار دەپ ويلادىم. سوسىن ءبىر كۇنى ويىما ول كىسى COVID-19 تولقىنى كەزىندە قايتىس بولۋى مۇمكىن دەگەن وي كەلدى. مەنىڭ بىلۋىمشە، اقتاۋدا ونىڭ تۋىستارى جوق، سوندىقتان ەشكىم ىزدەمەيدى. مەن مۇنداي جاعدايلار تۋرالى باق-تا وقىعان ەدىم. ول پاتەر اقىسىن وتكەن جىلدىڭ ناۋرىزىندا سوڭعى رەت تولەگەنىن انىقتادىم. ناتيجەسىندە پوليسيا كەلىپ، پاتەردى اشتى، ول جاتىن بولمەسىندە توسەكتە جاتتى. ءبىر جىلدا دەنەسى تولىق ءشىرىپ كەتكەن دەسە بولادى. تۋىستارىن الەۋمەتتىك جەلىلەر ارقىلى تاپتىق، بۇگىن جەرلەۋ ءراسىمى ءوتتى»، - دەدى ءۇي تۇرعىنى.

وبلىستىق پوليسيا دەپارتامەنتى ايەلدىڭ تابىلعانى تۋرالى حابار وسى جىلدىڭ 15 ساۋىرىندە تۇسكەنىن حابارلادى.

«زورلىق-زومبىلىق بەلگىلەرى جوق ايەلدىڭ ءمايىتى تابىلدى. شاقىرۋعا جەدەل-تەرگەۋ توبى شىقتى. سوت-مەديسينالىق ساراپتاما تاعايىندالدى»، - دەدى ولار.