اقتاۋ پورتىنىڭ ءتۇبىن ءبىر جارىم-ەكى مەترگە تەرەڭدەتۋ جوسپارلانۋدا.
تەرەڭدەتۋ جۇمىستارى تەڭىزدە ءجۇزۋ قاۋىپسىزدىگىن قامتاماسىز ەتۋ ءۇشىن جۇرگىزىلەدى، دەپ حابارلايدى aqshamnews.kz.
ماماندار ءىرى ەۋروپالىق Jan De Nul كومپانياسىنىڭ مامانداندىرىلعان تەرەڭدەتۋ تەحنيكاسىن تارتادى. تەرەڭدەتۋ جۇمىستارى تەرمينال قۋاتىن جانە ينۆەستيسيا كولەمىن ارتتىرۋعا مۇمكىندىك بەرەدى.
بۇگىنگى تاڭدا اقتاۋ پورتىنىڭ وتكىزۋ قابىلەتى شامامەن 15 ملن توننانى قۇرايدى، ونىڭ ىشىندە 140 مىڭ جفە.
بيىلعى مامىر ايىندا ارنايى تەحنيكانى جۇمىلدىرۋ جۇمىستارى اياقتالادى. تەرەڭدەتۋ جۇمىستارىن بيىلعى جىلدىڭ ءتورتىنشى توقسانىندا اياقتاۋ جوسپارلانۋدا.
اتالعان جۇمىستار ترانسكاسپيي حالىقارالىق كولىك باعىتىن دامىتۋ اياسىندا قابىلدانىپ جاتقان كەشەندى شارالاردىڭ ءبىر بولىگى.
Tكحب بويىنشا كونتەينەرلىك تاسىمالداۋ كولەمى اعىمداعى جىلدىڭ ءبىرىنشى توقسانىندا 3،5 ەسەگە ءوسىپ، 25 مىڭ جفە قۇرادى (2024 جىلدىڭ سايكەس كەزەڭىندە 7،2 مىڭ جفە).