قازاقستان ءوزىنىڭ مينەرالدىق-شيكىزاتتىق بازاسىن بەلسەندى دامىتىپ، جوعارى تەحنولوگيالىق ونىمدەردى وڭدەۋ مەن وندىرۋگە ينۆەستيسيالاۋ ءۇشىن قولايلى جاعداي جاساي وتىرىپ، سيرەك جانە سيرەك جەر مەتالدارىنىڭ الەمدىك نارىعىندا نەگىزگى ويىنشى رەتىندە ءوزىنىڭ مارتەبەسىن راستايدى، دەپ حابارلايدى aqshamnews.kz.
بۇگىنگى تاڭدا ەلىمىزدە سيرەك جانە سيرەك جەر ەلەمەنتتەرىنىڭ 100-دەن استام كەن ورىندارى اشىلدى، ونىڭ ىشىندە قۇرىمساق، بالا-ساۋىسقاندىق، اقبۇلاق، قۇندىباي، ۆەرحنەە-ەسپە جانە ت.ب.
قازاقستاندا ەۋروپالىق وداق ەكونوميكاسى ءۇشىن ماڭىزدى 34 سيرەك جەر ەلەمەنتىنىڭ 19-ى وندىرىلەدى، ونىڭ ىشىندە بەريلليي، تانتال، نيوبيي جانە رەنيي – ولار ەلەكترونيكا، قورعانىس، ەنەرگەتيكا جانە تەلەكوممۋنيكاسيا سالالارىندا قولدانىلاتىن مەتالدار.
ەلدىڭ مينەرالدىق-شيكىزاتتىق بازاسى مىناداي قورلاردى قامتيدى:
• ۆولفرام – 2،4 ملن. توننا
• موليبدەن – 1 ملن. توننا
• ليتيي – 226،9 مىڭ توننا
• تانتال – 4،6 مىڭ توننا
• نيوبيي – 27،2 مىڭ توننا
• بەريلليي – 117،5 مىڭ توننا
مينەرالدى شيكىزاتتى كەشەندى وڭدەۋ كەزىندە الىناتىن سەلەن، تەللۋر، گەرمانيي، گالليي جانە سكانديي سياقتى ميكروەلەمەنتتەر ەرەكشە قۇندى.
مەملەكەتتىك ساياساتتىڭ باعىتى قازاقستاندا سيرەك جانە سيرەك جەر مەتالدارىن وڭدەۋدى تەرەڭدەتۋ، جاڭا وندىرىستىك قۋاتتاردى قۇرۋ، سونداي-اق ەكسپورتقا باعىتتالعان، باسەكەگە قابىلەتتى ءونىم شىعارۋ بولىپ تابىلادى. ۇكىمەت «شيكىزاتتىڭ ورنىنا ينۆەستيسيا مەن تەحنولوگيالار» فورمۋلاسىن قولدانا وتىرىپ، حالىقارالىق سەرىكتەستەردى بەلسەندى تۇردە تارتۋدا.
2040 جىلعا قاراي ماڭىزدى ماتەريالدارعا جاھاندىق سۇرانىس ءتورت ەسەگە ارتادى دەپ بولجانعان كەزدە قازاقستان جاھاندىق جوعارى تەحنولوگيالىق سالالار ءۇشىن ستراتەگيالىق شيكىزاتتى سەنىمدى جانە تۇراقتى جەتكىزۋشى رەتىندەگى پوزيسياسىن نىعايتىپ كەلەدى.