دجو بايدەن پرەزيدەنت سايلاۋىنا قايتا تۇسپەيتىن بولدى.
بۇل جايلى اقش پرەزيدەنتى ءوزىنىڭ الەۋمەتتىك جەلىدەگى پاراقشاسىندا مالىمدەدى. ءبىراق پرەزيدەت سايلاۋىنا ۇمىتكەر رەتىندە ءوزىنىڭ ورىنباسارى، ۆيسە-پرەزيدەنت كامالا ءحارريستى ۇسىندى، دەپ حابارلايدى Almaty-akshamy.kz.
ال رەسپۋبليكالىق پارتيانىڭ كونگرەستەگى وكىلدەرى اق ءۇي باسشىسىن وتستاۆكاعا كەتۋدى تالاپ ەتىپ جاتىر.
بايدەن وتكەن ايدىڭ سوڭىندا باستى قارسىلاسى ترامپپەن وتكەن تەلەدەبات كەزىندە بىرنەشە رەت سوزدەن جاڭىلىپ، ءوزىن ءساتسىز كورسەتكەن سوڭ حالىق اراسىندا بەدەلى كۇرت ءتۇسىپ كەتكەن ەدى. ءتىپتى ەڭ جاقىن جاقتاستارىنىڭ ىشىندە دە ودان ەكىنشى رەت پرەزيدەنت سايلاۋىنا تۇسۋدەن باس تارتۋدى تالاپ ەتۋشىلەن كوبەيگەن. ال دەمەۋشىلەر سايلاۋ ناۋقانىنا قاراستىرعان 90 ميلليوننان اسا دولللاردى بەرمەي توقتاتىپ تاستاعان-دى. العاشقى كۇندەرى بۇعان نارازىلىق ءبىلدىرىپ، قۇدايدان بۇيرىق كەلمەي سايلاۋدان باس تارتپايمىن دەپ مالىمدەگەن اق ءۇي باسشىسى ارادا ەكى اپتا وتكەندە رايىنان قايتۋعا ءماجبۇر بولدى.
Reuters مالىمەتىنشە، حارريسكە سايلاۋعا قاتىسۋعا 1976 داۋىستىڭ ءوزى جەتكىلىكتى ەدى، دەگەنمەن ول 2538 داۋىسقا يە بولعان.
ءارتۇرلى دارەجەدەگى قىلمىسكەرلەرمەن كۇرەستىم. ايەلدەردى قورلايتىن اگرەسسورلارمەن كۇرەستىم. ادامداردى الداعان الاياقتارمەن كۇرەستىم. بۇل كامپانيادا ترامپتىڭ جەتىستىكتەرىنە قارسى ءوز جەتىستىكتەرىمدى ماقتانىشپەن ۇسىنا الامىن، - دەدى حارريس ءوز سوزىندە.