ول ءبىزدىڭ ەلگە اسەر ەتە مە؟
ساراپشىلار مولشەرلەمە تومەندەسە اقش دوللارى جاھاندىق دەڭگەيدە السىرەي بەرۋى مۇمكىن دەپ وتىر، دەپ حابارلايدى Almaty-akshamy.kz
اقش-تىڭ ەڭبەك ستاتيستيكاسى بيۋروسى قازان ايىندا اشىق جۇمىس ورىندارىنىڭ سانى 2021 جىلدىڭ باسىنان بەرى ەڭ تومەنگى دەڭگەيگە جەتكەنىن حابارلادى. بۇل ەڭبەك نارىعى بىرتىندەپ باياۋلاي باستاعانىن بىلدىرەدى.
ماسەلەن، قولجەتىمدى پوزيسيا سانى وتكەن ايدا 8،7 ميلليونعا دەيىن قىسقارعان.
بۇل كورسەتكىش بارلىق باعالاۋدان تومەن بولىپ قانا قويماي، بارلىق سالانى قامتىدى، دەپ جازادى "Tengenomika" telegram ارناسى.
«ماسەلەن، بىلتىر اي سايىن 4 ميلليوننان استام ادام جۇمىستان شىعارىلدى، بۇل ولاردىڭ باسقا جۇمىسقا ورنالاسۋ قابىلەتىنە دەگەن سەنىمدىلىگىن كورسەتكەن. كوبىنەسە الدەقايدا جوعارى جالاقىعا باردى كوبى. ءقازىر جاعداي تۇراقتالعان: جۇمىستان ءوز ەركىمەن كەتكەندەردىڭ ۇلەسىن جالپى جۇمىسپەن قامتۋ ۇلەسى رەتىندە ولشەيتىن جۇمىستان بوساتۋ دەڭگەيى دەپ اتالاتىن ءتورتىنشى ايدان بەرى 2021 جىلدىڭ باسىنان بەرى ەڭ تومەنگى دەڭگەيدە قالىپ وتىر»، - دەلىنگەن باسىلىمدا.
ساراپشىلاردىڭ پىكىرىنشە، نارىقتاعى مۇنداي جاعداي ەڭبەك نارىعىنىڭ باياۋلاۋى قارجىلىق جاعدايدى تەزىرەك جەڭىلدەتۋگە، اتاپ ايتقاندا ەكونوميكاداعى پايىزدىق مولشەرلەمەلەردىڭ تومەندەۋىنە قوسىمشا دالەل بولا الادى.
«بۇل ءوز كەزەگىندە مولشەرلەمە تومەندەسە اقش دوللارى جاھاندىق دەڭگەيدە السىرەي بەرۋى مۇمكىن دەگەندى بىلدىرەدى. ءبىزدىڭ ەكونوميكامىز ءۇشىن اقش دوللارىنىڭ السىرەۋى جانە دوللار ستاۆكالارىنىڭ تومەندەۋى دامۋشى ەلدەردىڭ اكتيۆتەرىنە سۇرانىستىڭ ارتۋىنا بايلانىستى وڭ قۇبىلىس بولماق»، - دەپ جازادى اۆتورلار.