اقش-تىڭ بۇرىنعى پرەزيدەنتى دجيممي كارتەر 100 جاسىندا قايتىس بولدى
دجيممي كارتەر، اقش-تىڭ 39-پرەزيدەنتى جانە بەيبىتشىلىك سالاسىنداعى نوبەل سىيلىعىنىڭ لاۋرەاتى، دجوردجيا شتاتىندا ومىردەن ءوتتى.
ونىڭ قايتىس بولعانى تۋرالى The Washington Post باسىلىمى دجەيمس كارتەر IIIء-تىڭ مالىمدەمەسىنە سۇيەنە وتىرىپ حابارلادى. ءولىمنىڭ سەبەبى جاريالانعان جوق.
كارتەر 1977-1981 جىلدارى اقش پرەزيدەنتى قىزمەتىن اتقارعان. پرەزيدەنتتىك قىزمەتتەن كەتكەننەن كەيىن ول قايىرىمدىلىقپەن جانە گۋمانيتارلىق جوبالارمەن اينالىستى.
ول اقش تاريحىنداعى ەڭ ۇزاق ءومىر سۇرگەن پرەزيدەنت اتاندى. ونىڭ ءتورت بالاسى، 11 نەمەرەسى جانە 14 شوبەرەسى بار.
اقش-تىڭ سايلانعان پرەزيدەنتى دونالد ترامپ پەن قازىرگى پرەزيدەنت دجو بايدەن قايعىلارىنا ورتاقتاسىپ كوڭىل ايتتى. بايدەن مەن ونىڭ جۇبايى دجيلل بايدەننىڭ مالىمدەمەسىندە كارتەردىڭ مۇراسىنىڭ ماڭىزدىلىعى مەن ونىڭ ەلگە قوسقان ۇلەسى ەرەكشە اتاپ ءوتىلدى.