لاڭكەستىك ارەكەت سالدارىنان 3 مىڭنان استام ادام قازا تاپتى.
اقش- تاعى «ەگىز» مۇنارالاردى قيراتقان 11 قىركۇيەك وقيعاسىنا بيىل 20 جىل تولدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
2001 جىلدىڭ 11 قىركۇيەگىندە نيۋ-يوركتەگى مۇناراسى كوك تىرەگەن دۇنيەجۇزىلىك ساۋدا ورتالىعىندا ەكى ۇشاق جارىلىپ، عيمارات جەرمەن جەكسەن بولدى. تەررورشىلاردىڭ باسقارۋىنداعى ءۇشىنشى ۇشاق پەنتاگون عيماراتىنا، ءتورتىنشىسى پەنسيلۆانيا شتاتىنىڭ اۋماعىنا قۇلادى.
لاڭكەستىك ارەكەت سالدارىنان 3 مىڭنان استام ادام قازا تاۋىپ، 6 مىڭعا جۋىعى جارالانعان. 24 ادام ءىز-تۇزسىز جوعالىپ كەتتى. ءورت سوندىرۋشىلەر مەن پوليسەيلەردىڭ كۇشىمەن اپاتتان 30 مىڭعا جۋىق ادام قۇتقارىلعان.
ايتا كەتەيىك، 2006 جىلدىڭ 11 قىركۇيەگىندە نيۋ-يوركتە تەرراكت قۇرباندارىنا ارنالعان مونۋمەنت اشىلدى. رەسەي ءمۇسىنشىسى زۋرابا سەرەتەليدىڭ بۇل تۋىندىسى - رەسەيلىكتەردىڭ امەريكا حالقىنا ارناعان تەرراكت قۇرباندارىن ەسكە الۋ بەلگىسى. ەسكەرتكىشتىڭ بيىكتىگى - 30 مەتر، سالماعى 170 توننادان استام.