اقش-تا سەمەي پوليگونىنىڭ جابىلۋىنا ارنالعان فوتوكورمە ءوتتى

سەمەي پوليگونىنىڭ جابىلۋىن شەت ەل دە ەسكەرۋدە

امەريكا قۇراما شتاتتارىنىڭ استاناسى ۆاشينگتوندا سەمەي يادرولىق پوليگونىنىڭ جابىلۋىنا ارنالعان ارنايى فوتوكورمە ءوتتى، دەپ حابارلايدى Almaty-akshamy.kz.  حابار 24 سايتىنا سىلتەمە جاساپ.

قازاقستاننىڭ ۆاشينگتونداعى ەلشىلىگىندە ۇيىمداستىرىلعان شاراعا ق ر پرەزيدەنتىنىڭ حالىقارالىق ىنتىماقتاستىق جونىندەگى ارنايى وكىلى ەرجان قازىحانوۆ باستاعان ءبىر توپ دەلەگاسيا قاتىستى. كەلگەن قوناقتاردىڭ اراسىندا شەتەلدىك ديپلوماتتار، اقش-تىڭ مەملەكەتتىك دەپارتامەنتىنىڭ جوعارى لاۋازىمدى وكىلدەرى، ادام قۇقىقتارىن قورعاۋ ۇيىمدارى مەن زەرتتەۋ ورتالىقتارىنىڭ جەتەكشىلەرى، سونىمەن قاتار حالىقارالىق ءىرى كومپانيالاردىڭ باسشىلارى دا قاتىستى.

دجوناتان حەنيك، اقش مەملەكەتتىك حاتشىسىنىڭ وڭتۇستىك جانە ورتا ازيا ىستەرى بويىنشا كومەكشىسىنىڭ ورىنباسارى: 

«سەمەي پوليگونىنىڭ جابىلۋىنىڭ 30 جىلدىعىن اتاپ ءوتۋ وتە ماڭىزدى شارا دەپ ويلايمىن. ويتكەنى الەم ءۇشىن مۇنداي ماڭىزدى شەشىمدى قابىلداۋ جۇگى قازاقستانعا بەرىلدى. ال قازاقستان ول ۋاقىتتا وتە جاس مەملەكەت ەدى. دەگەنمەن نازاربايەۆتىڭ كوشباسشىلىعىمەن بارلىعى ءساتتى اياقتالدى. قازاقستاننىڭ 30 جىل ىشىندە تاۋەلسىز، ادام قۇقىقتارىن قورعايتىن جان-جاقتى مەملەكەتكە اينالعانىنا ءالى دە تاڭدانامىز. بۇل ارينە، قازاق حالقىنىڭ جانە سول كەزدەگى ۇكىمەتتىڭ دۇمىس شەشىم قابىلداۋىنىڭ ارقاسى»، - دەدى.

ايتا كەتەيىك، بيىل 29 تامىزدا پوليگوننىڭ جابىلعانىنا 30 جىل تولادى.