اقش-تا مايمىل شەشەگىنە بايلانىستى توتەنشە جاعداي جاريالاندى

امەريكا قۇراما شتاتتارى مايمىل شەشەگى ۆيرۋسىنىڭ ءورشۋىن دەنساۋلىق ساقتاۋ سالاسىنداعى توتەنشە جاعداي دەپ جاريالادى.

ەلدەگى توتەنشە جاعداي رەجيمى تۋرالى بەيسەنبى كۇنى اقش-تىڭ دەنساۋلىق ساقتاۋ جانە حالىققا قىزمەت كورسەتۋ ءمينيسترى كساۆە بەسەررا مالىمدەدى، دەپ حابارلايدى Almaty-akshamy.kz.

پرەزيدەنت دجو بايدەن كاليفورنيا، يللينويس جانە نيۋ-يورك شتاتتارىنىڭ ءورشىپ بارا جاتقان ينفەكسيالارعا شۇعىل ارەكەت ەتۋدى جاريالاعاننان كەيىن، 2 تامىزدا اق ءۇيدىڭ ەكى جوعارى لاۋازىمدى شەنەۋنىگىن اكىمشىلىكتىڭ مايمىل شەشەگىنە قارسى ارەكەتىنىڭ ۇيلەستىرۋشىسى رەتىندە تاعايىندادى.

سارسەنبىدەگى جاعداي بويىنشا، اقش-تا اۋرۋ جۇقتىرعاندار سانى 6،6 مىڭنان استى. ولاردىڭ باسىم كوپشىلىگى لگبت وكىلدەرى. العاش رەت 1958 جىلى مايمىلداردان تابىلعان بۇل اۋرۋ سالىستىرمالى تۇردە جەڭىل بەلگىلەر تۋدىرادى، سونىڭ ىشىندە بەزگەك، اۋىرسىنۋ جانە تەرىنىڭ ىرىڭدەۋى بار.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، ۆيرۋسقا شالدىققان ادامدار دەنساۋلىعى ەكى-تورت اپتانىڭ ىشىندە قالپىنا كەلەدى. ددۇ-نىڭ ءتيىستى شەشىمدەرى مايمىل شەشەگىنە قارسى ۆاكسينا جانە ۆيرۋستى ەمدەۋ قۇرالدارىمەن الماسۋ بويىنشا ىنتىماقتاستىقتى قارجىلاندىرۋدى جەڭىلدەتەدى.