امەريكادا 250 جىل بۇزىلماعان توساپتار تابىلدى
تاماق دۇرىس دايىندالسا، تەحنولوگياسى دۇرىس ساقتالسا بۇزىلمايدى.ءتىپتى بىرەر كۇن ەمەس، بىرنەشە عاسىر ساقتالاتىن تاعامدار بولادى. اقش استاناسى ۆاشينگتوننىڭ ماڭايىندا ارحەولوگتار جەر قازىپ ءجۇرىپ، توساپ سالىنعان قۇتىلار تاۋىپ الدى، دەپ حابارلايدى Almaty-akshamy.kz 24.kz-كە سىلتەمە جاساپ.
ولار شيە، جيدەك جانە قاراقاتتان جاسالعان ەكەن. 6 قويمادان باس-اياعى 35 قۇتى تابىلعان. ءبارى ارناۋلى ساراپتامادان وتكەن. ناتيجەسى - ادام تاڭقالارلىق.
دجەيسون بوروۋز، ارحەولوگيالىق توپ جەتەكشىسى:
"بۇل توساپتاردىڭ 1775 جىلدىڭ جازىندا قويماعا تاستالعانىن انىقتادىق. وسى ساتكە دەيىن بۇزىلماي ساقتالعان. شىنىندا، 250 جىلدان كەيىن قالپىن جوعالتپاعان جيدەكتەردى تابۋ - وتە كەرەمەت نارسە."