اقش-تىڭ ازىق تۇلىك جانە دارى-دارمەك اكىمشىلىگى «پفايزەر-بيوتەك» كومپانياسىنىڭ ءۇشىنشى ەكپەسىن 12 مەن 15 جاس ارالىعىنداعى جاسوسپرىمدەرگە سالۋعا رۇقسات بەردى، دەپ حابارلايدى almaty-akshamy.kz «حابار 24»-كە سىلتەمە جاساپ.
بۋستەرلى دوزانى 5 پەن 11 جاس ارالىعىنداعى يممۋندىق جۇيەسى ءالسىز بالدىرعاندارعا دا الۋعا بولادى. جاڭا ەرەجە بويىنشا ءۇشىنشىسىن سالدىرۋعا، ەكىنشى ەكپەدەن كەيىن بۇرىنعىداي 6 اي ەمەس 5 اي ۋاقىت كۇتۋ قاجەت. مۇنداي نورماتيۆتىك وزگەرىستەر وميكروننىڭ تارالۋىنا بايلانىستى قابىلداندى دەيدى ورتالىق ماماندارى.
وميكرون، اسىرەسە، بالالاردىڭ اراسىندا جىلدام تاراي باستاعان. سول سەبەپتى جاڭا جىلدىق دەمالىستان كەيىن اقش-تاعى مىڭداعان مەكتەپ قاشىقتان وقىتۋعا كوشتى. ال كاسىپورىندار مەن قىزمەت كورسەتۋ ورىندارىنا جۇمىسشى جەتپەي جاتىر. ويتكەنى اۋرۋ-سىرقاۋ كوبەيدى. ءتىپتى اۋە كومپانيالارىندا ۇشقىشتار جەتىسپەي، رەيستەر كەشىككەن.
كەيىنگى اپتادا كوۆيدى جۇقتىرعان امەريكالىقتاردىڭ سانى ەكى ەسە وسكەن. ال كەشەلى بەرى 420 مىڭ ادام دەرتكە شالدىققان.