اقش جۇڭگو اەروستاتىن اتىپ ءتۇسىردى

اەروستات مۇحيتتىڭ ۇستىندە ۇشىپ جۇرگەن.

وڭتۇستىك كارولينا جاعالاۋىندا اتلانت مۇحيتىنىڭ ۇستىنەن ۇشىپ بارا جاتقان جۇڭگو اەروستاتىنا وق ءتيدى. ءقازىر سۋعا تۇسكەن قالدىقتاردى تازارتۋ وپەراسياسى ءجۇرىپ جاتىر. اقش پرەزيدەنتى دجو بايدەن ۇشقىشتاردى تاپسىرمانىڭ ءساتتى ورىندالۋىمەن قۇتتىقتادى، دەپ حابارلايدى اlmaty-akshamy.kz Lenta.ru سىلتەمە جاساپ.

بۇعان دەيىن اقش اسپانىندا جۇمباق شار پايدا بولىپ، ونى پەنتاگون تىڭشىلىق جاساپ جۇرگەن قىتايدىڭ وبەكتىسى دەپ مالىمدەگەن. وسىعان بايلانىستى اقش مەملەكەتتىك حاتشىسى ەنتوني بلينكەن قىتايعا ساپارىنان باس تارتقان بولاتىن.

بەيجىڭ مۇنىڭ قاتە ەكەنىن ايتىپ، اسىعىس شەشىم قابىلداماۋعا شاقىردى.

«قىتايدىڭ امەريكا قۇراما شتاتتارىنىڭ ۇستىنەن بارلاۋ اەروستاتىن ۇشىرۋ شەشىمى اقىلعا سىيمايدى، بۇل - جاۋاپسىزدىق. ماسەلە وسىندا. بۇل - ءبىزدىڭ ەگەمەندىگىمىزدى بۇزۋ. بۇل - حالىقارالىق قۇقىقتى بۇزۋ. جوسپارلانعان ساپار الدىنداعى مۇنداي قادام ءبىز تالقىلايمىز دەپ وتىرعان تاقىرىپتارعا، كەلىسسوزگە زيانىن تيگىزەدى»، - دەيدى اقش مەملەكەتتىك حاتشىسى.

ەنتوني بلينكەن اقش-تىڭ قىتايمەن ديپلوماتيالىق بايلانىسقا مۇددەلى ەكەنىن جانە مۇمكىندىك بولعان كەزدە بەيجىڭگە بارۋدى جوسپارلاپ وتىرعانىن ايتتى.