اقش قازاقستانداعى سانكسيانىڭ الدىن الادى

سانكسيا – اگرەسسيانى توقتاتۋ ءۇشىن جاسالعان قادام

اقش-تىڭ مەملەكەتتىك حاتشىسى ەنتوني بلينكەن سانكسيا رەسەي اگرەسسيالىق ارەكەتىنە بايلانىستى ەكەنىن ايتتى، دەپ حابارلايدى Almaty-akshamy.kz BAQ.KZ-كە سىلتەمە جاساپ.

«الەم بويىنشا ونداعان ەل رەسەيگە سانكسيالار سالدى. سەبەبى رەسەي ۋكرايناعا قارسى سوعىستى باستادى. ول تەك ۋكرايناعا قارسى سوعىس ەمەس، جالپى حالىقارالىق، بۇۇ-نىڭ اۋماقتىق تۇتاستىق پەن ەگەمەندىكتى ساقتاۋ قاعيداتتارىنا قارسى شىعۋ. ونىڭ ىشىندە قازاقستان دا بار. بۇۇ قۇرامىنداعى ەلدەر رەسەيدىڭ جاساعانىنا قارسى شىقتى»، - دەدى اقش وكىلى.

ەنتوني بلينكەننىڭ ايتۋىنشا، سانكسيا – اگرەسسيانى توقتاتۋ ءۇشىن جاسالعان قادام.

«ءبىز رەسەي ءوز اسكەرىن ۋكراينادان شىعارىپ، ۋكراينا اۋماقتىق تۇتاستىعىن ساقتاعانىن قالايمىز. ءقازىر ءبىرقاتار ەلمەن سويلەسىپ جاتىرمىز. ونىڭ ىشىندە وسى س5 ەلدەرى بار. سەبەبى بۇل ارەكەتتىڭ ەكونوميكالىق سالدارى بار. ودان الەم بويىنشا بارلىق ەل زارداپ شەگۋى مۇمكىن. ونىڭ ىشىندە ورتالىق ازيا ەلدەرى دە بار. ءبىز ءوز سەرىكتەستەرىمىزبەن اقپارات الماسىپ، س5 ەلدەرىنە كومەك بەرۋگە تىرىسامىز»،- دەدى ەنتوني بلينكەن.

ول وعان ءبىرشاما ۋاقىت كەرەگىن ايتتى.

«ورتالىق ازيا وڭىرىنە بارىنشا كومەك كورسەتىپ جاتىرمىز. 25 ملرد دوللار ەكونوميكالىق تۇراقتىلىق باستاماسى اياسىندا ءبولىندى. ساۋدا دامىتۋ، ەكسپورت نارىعىن اشۋ، جەكە سەكتورعا ينۆەستيسيا تارتۋ ءۇشىن 50 ملن دوللار ءبولىنىپ وتىر. رەسەي  اگرەسسياسىنىڭ الەمگە ۇلكەن ىقپالى بولۋى مۇمكىن»،- دەدى ول.

سىرتقى ىستەر ءمينيسترى مۇحتار تىلەۋبەردى ەشقانداي قازاقستاندىق كومپانيا جاناما سانكسيالاردان زارداپ شەكپەگەنىن ايتتى.

بۇگىن سىرتقى ىستەر ءمينيسترى مۇحتار تىلەۋدەردى مەن اقش-تىڭ مەملەكەتتىك حاتشىسى ەنتوني بلينكەننىڭ كەلىسسوزدەرىنىڭ قورىتىندىسى بويىنشا ب ا ق وكىلدەرىنە ارنالعان باسپا ءسوز كونفەرەنسياسى ءوتتى.