اۋرۋحانالاردا ماسكا تاعۋ قايتا تالاپ ەتىلە باستادى.
ەپيداحۋالدىڭ ۋشىعۋىنا ىندەتتىڭ جاڭا شتاممىنىڭ پايدا بولۋى جانە ماۋسىمدىق تۇماۋ سەبەپ بولىپ جاتىر، دەپ حابارلايدى Almaty-akshamy.kz
قىس باستالعالى كوۆيد جۇقتىرىپ، اۋرۋحاناعا تۇسكەن ناۋقاستاردىڭ قاتارى كوبەيگەن. ىندەتتىڭ تارالۋىن ازايتۋى ءۇشىن اقش ەمحانالارىنىڭ باسىم بولىگى بەتپەردە تاعۋدى تالاپ ەتىپ جاتىر. مامانداردىڭ ايتۋىنشا، جاعداي بىلتىرعىداي كۇردەلى بولماسا دا، بۇكىل ەل بويىنشا ءجۇز مىڭداعان ناۋقاس اۋرۋحاناعا توسەگىنە تاڭىلىپ، مىڭداعان ادام كوز جۇمۋى مۇمكىن. سەبەبى، ماۋسىمدىق اۋرۋلار ەپيد احۋالدى ودان بەتەر قيىنداتىپ جىبەردى.
"كوۆيد پەن قوسا تۇماۋمەن وزگە دە قىسقى رەسپيراتورلىق ۆيرۋستارعا بەي جاي قاراماۋعا بولمايدى. ولار اسىرەسە، سوزىلمالى اۋرۋلارى بار، جوعارى قاۋىپ-قاتەر توبىنداعى ادامداردا ءقاۋىپتى. تۇماۋ ءتىپتى دەنى ساۋ ادامدى، جاستارمەن بالالاردى دا 48 ساعات ىشىندە جەدەل جاردەم بولمەسىنەن ءبىراق شىعارۋدا. الايدا، تۇماۋعا قاراعاندا ادام دەنساۋلىعىنا كوۆيدتىڭ سالدارى اۋىر»، دەدى جۇقپالى اۋرۋلار جونىندەگى ساراپشى ۋيليام شاففنەر.
كوروناۆيرۋستىڭ تەز تارالۋىنا JN.1 اتاۋىمەن بەلگىلى جاڭا نۇسقاسى سەبەپ بولسا كەرەك. وميكروننىڭ بۇل ءتۇرى بىلتىر قىركۇيەك ايىندا انىقتالعان. قازىرگى تاڭدا ناۋقاستاردىڭ 44%-نان ۆيرۋستىڭ وسى ۆاريانتى تابىلىپ وتىر. سوندىقتان تۇرعىندار ساقتىق شارالارىنا اسا ءمان بەرىپ، ۆاكسينا سالدىرعانى ابزال، - دەيدى دارىگەرلەر.
"ەكپە جاساۋعا ەشقاشان كەش ەمەس. بارلىق پاسيەنتتەرىمە ۆاكسينا الۋدى كۇن سايىن ايتىپ كەلەم. كوۆيد-كە ات ءۇستى قاراماۋ كەرەك. بەلگىلەرىن سەزسەڭىز جەدەل تەست جاساتىپ، ارۋدىڭ اسقىۋىنىڭ الدىن الۋ كەرەك"، دەدى دارىگەر روبەرت پيتتس.
ىندەتتىڭ تەز تارالۋىنىڭ ءبىر سەبەبى دە، امەريكالىقتار ەكپە جاساتۋدى كۇرت ازايتۋىنان. وتكەن جىلى تەك بەستەن ءبىرى عانا ۆاكسيناسىن جاڭارتىپتى. ال، ماماندارىنىڭ بولجاۋىنا قاراعاندا، اي سوڭىنا دەيىن ۆيرۋس جۇقتىرعانداردىڭ قاتارى ارتىپ، ەپيداحۋال ۋشىعا تۇسپەك.