اقش كونگرەسسى ۋكرايناعا «لەند-ليز» باعدارلاماسىن بەكىتتى

ءقازىر ءاربىر مينۋت ماڭىزدى

كونگرەسس ۋكرايناعا قارۋ-جاراقتى جەدەلدەتىپ جەتكىزۋگە مۇمكىندىك بەرەتىن زاڭ جوباسىن قابىلدادى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ. 

2022 جىلى ۋكرايناداعى دەموكراتيانى قورعاۋ ءۇشىن «لەند-ليز» دەپ اتالاتىن قۇجاتتى وكىلدەر پالاتاسىنىڭ 417 مۇشەسى قولداپ، تەك 10 كونگرەسسمەن قارسى شىقتى. زاڭ پرەزيدەنتكە ۋكرايناداعى سوعىس اياقتالعانشا كييەۆكە قورعانىس قۇرالدارىن، ياعني اسكەري تەحنيكا مەن قارۋ-جاراقتى ۋاقىتشا قولدانۋعا نەمەسە جالعا جەڭىلدەتىلگەن راسىممەن جەتكىزۋگە مۇمكىندىك بەرەدى. باعدارلاما العاش رەت ەكىنشى دۇنيەجۇزىلىك سوعىستا فاشيستىك گەرمانيامەن شايقاسقان وداقتاس ەلدەرگە كومەك بەرۋ ءۇشىن قولدانىلعان. قازىرگى جوبادا ءبىرقاتار شەكتەۋ الىنىپ تاستالعان. 

«ۋكرايناعا دەموكراتيانى قورعاۋ ءۇشىن «لەند-ليز» زاڭى بويىنشا باستاپقى باعدارلاماعا وزگەرىستەر ەنگىزىلدى. ياعني پرەزيدەنتكە اسا قاجەتتى قورعانىس قۇرالدارىن جىبەرۋ ءۇشىن كوپ ۋاقىت الاتىن تالاپتار الىنىپ تاستالدى. ءبىز بۇل زاڭ ارقىلى ۇكىمەتتىڭ تەزىرەك قيمىلداپ، ۋكراينانىڭ قاۋىپسىزدىك كۇشتەرىن نىعايتىپ، رەسەي باسقىنشىلارىنا تويتارىس بەرۋگە، بەيبىت تۇرعىندار مەن دەموكراتيانى قورعاۋعا مۇمكىندىك بەرەمىز. ءقازىر ءاربىر مينۋت ماڭىزدى. قولعا الىپ جاتقان شارالار كوپ ادامنىڭ ءومىرىن ساقتاپ قالۋعا كومەكتەسەدى دەپ سەنەمىز»،- اقش وكىلدەر پالاتاسىنىڭ سپيكەرى نەنسي پەلوسي.